बेलडाँडी,
महाकाली सिंचाई जल उपभोक्ता संघ क्षेत्रीय समिति अन्तर्गत ब्लक नं.६मा उपाध्यक्ष र क्षेत्रीय प्रतिनिधी बाहेक सबै निर्विरोध चयन भएका छन् ।
निर्वाचन समितिका अनुसार अध्यक्षमा पुर्णानन्द भट्ट, महाचिवमा जय बहादुर कुवर, सचिव देव सिंह ठगुन्ना, कोषाध्यक्ष सत्यराज कोइराला, महिला सदस्य ललिता भट्ट,पार्वती गिरी,मिना जोशी, दलित जनजाती आदिवासी र अल्पसंख्यक सदस्य कृष्णलाल चौधरी र बुद्धिराम चौधरी, खुल्ला सदस्यमा मान बहादुर खडका र यज्ञराज भट्ट निर्विरोध चयन भएको अन्तिम नामावली प्रकाशनमा उल्लेख गरिएको छ । केन्द्रिय प्रतिनिधीमा नरेश धामी र तिलकराम डगौरा समेत निर्विरोध चयन भएका हुन ।
भोली विहान ब्लक नं. ६ को प्राङ्गणमा ब्लक उपाध्यक्ष पद र क्षेत्रीय प्रतिनिधीका लागि निर्वाचन हुने भएको छ । क्षेत्रिय प्रतिनिधीहरुमा खेमराज भट्ट, हर्कदेव जोशी र पुष्पकमल पण्डित वीच प्रतिस्पर्धा हुने छ भने ब्लक ६ उपाध्यक्ष पदका लागि डम्मरलाल राना र रतन सिह खडका भिड्ने भएका छन् ।
निर्वाचन मण्डलको समय तालिका अनुसार आज ४ बजे सम्म उम्मेदवारको अन्तिम नामावली प्रकाशन हुदा सम्मको अवस्थामा दुई पदका लागि निर्वाचन हुने भएको जनाए । भोली विहान ८ बजे देखि ३ बजे सम्म निर्वाचन हुने छ भने निर्वाचन सम्पन्न भए लगत्तै मतदान हुने निर्वाचन संयोजक सचिन कठायतले जानकारी गराउनु भयो ।
Discussion about this post