बेलडाँडी,
ब्लक उपाध्यक्ष र क्षेत्रिय प्रतिनिधीका लागि भएको निर्वाचनमा राना, भट्ट र जोशी निर्वाचित भएका छन् । ब्लक उपाध्यक्ष पदका लागि डम्मरलाल राना, रतन सिंह खडका उम्मेदवार रहेका थिए भने क्षेत्रीय प्रतिनिधीका लागि खेमराज भट्ट, हर्कदेव जोशी र पुष्पकमल पण्डित वीच निर्वाचन भएको थियो ।
उपाध्यक्षमा रतन सिंह खडकालाई ७७ मतान्तरले पराजित गर्दै डम्मरलाल राना निर्वाचित भएका छन् । रानाले १२४ मत प्राप्त गरेका थिए भने खडकाले ४७ मत प्राप्त गरेका थिए । यस्तै क्षेत्रिय प्रतिनिधीमा पनि उनकै प्यानल विजयी भएको छ । खेमराज भट्टले १२१ मत, हर्कदेव जोशीले १२० मत प्राप्तगर्दै दुबै विजयी भएका छन् भने पुष्पकमल पण्डितले ७७ मत प्राप्त गरेका छन् ।
कुल २१० मतदातामा २०३ मत खसेका थिए सो अनुसार ९६.६७ प्रतिशत मत खसेको निर्वाचन समितिले जनाएको छ ।
Discussion about this post