कुस्तीमा सुदूरपश्चिमबाट बेदकोटका रैकाल छनोट, सुदूरपश्चिम लाई स्वर्ण दिलाउने अठोट

महेन्द्रनगर,
सुदूरपश्चिम प्रदेश स्तरिय कुस्ती खेलमा कञ्चनपुरको बेदकोट नगरपालिकाका कर्मचारी बिनोद रैकाल छनोट भएका छन् ।

कञ्चनपुरको महेन्द्रनगर कबर्डहलमा आयोजित प्रदेश स्तरिय कुस्ती खेलमा बिहिबार रैकाल छनोट भएका हुन् । एक सय २५ केजी तर्फको प्रतियोगितामा सहभागि भएका रैकाल विजय भए संगै नवौं राष्ट्रिय खेलकुदका लागि सुदूपश्चिमबाट खेल्नेछन् ।

कुस्ती खेलाडी रैकाल बेदकोट नगरपालिकामा कार्यरत छन् । उनी नगरपालिकाको दमकल चालक हुन् । राष्ट्रिय खेलकुदमा रैकालले कुस्तीमा यस पुर्व दुई पटक सम्म सुदूरपश्चिमलाई स्वर्ण पदक दिलाई सकेका थिए । यस पटक पनि सुदूरपश्चिमलाई स्वर्ण पदक दिलाउने कुस्ती खेलाडी रैकालको अठोट छ । नवौँ राष्ट्रिय खेलकुद असोज तेस्रो सातादेखि पोखरामा सञ्चालन हुँने भएको छ ।