आयोगले लगायो निर्वाचन ०७९ को मत सर्वेक्षणमा प्रतिबन्ध

काठमाडौं,

निर्वाचन आयोगले आगामी मंसिर ४ गतेका लागि तोकिएको प्रदेश तथा प्रतिनिधिसभाको मत सर्वेक्षणमा प्रतिबन्ध लगाएको छ । आयोगले निर्वाचन आचारसंहिताविपरीत कुनै पनि माध्यमबाट उमेदवार तथा राजनीतिक दलबारे मत सर्वेक्ष नगर्न भनेको छ ।

आयोगले उमेदवार तथा पार्टी केन्द्रित भएर उनीहरुले पाउने मतबारे सर्वेक्षण नगर्न आग्रह गरेको हो । आयोगले मत सर्वेक्षण गरेमा एक लाख रुपैयाँसम्म कारबाही हुने बुधबार चेतावनी दिएको छ । मत सर्वेक्षण कुनै पनि तहबाट गर्न नपाइने भनिएको छ ।

निर्वाचन आचारसंहिताले उमेदवारको मनोनयन दर्ता भएको मितिदेखि मतदान सम्पन्न नभएसम्म उमेदवार वा राजनीतिक दलको मतपरिणामको सम्बन्धमा मत सर्वेक्षण गर्न वा त्यस्तो सर्वेक्षणको परिणाम घोषणा गर्न वा प्रकाशन गर्न नहुने व्यवस्था गरेको छ ।