बिकाश सिंह महता,कार्तिक २३ । कञ्चनपुर जिल्लाको महेन्द्रनगर स्थित खुलामञ्चमा आयोजना भएको प्रथम खुला पेनाल्टी सुट आउट फुटबल प्रतियोगिताको उपाधी बेलडाँडी फुटबल टिमले जितेको छ।
फिट २४ फिट्नेश जिम हाउसले आयोजना गरेको प्रथम खुला पेनाल्टी सुट फुटबल प्रतियोगिता २०८१ को उपाधी बेलडाँडी फुटबल एकेडेमीले जितेको हो।
शुक्रबार महेन्द्रनगरको खुलामञ्चमा आयोजना गरेको उक्त प्रतियोगितामा फिट २४ फिट्नेश टिमलाई बेलडाँडीले ३-२ गोलको अन्तरले हराउदै उपाधी रक्षा गरेको आयोजक टिमका सदस्य आर्यन चन्दले बताएको छ।
उनका अनुसार विजेता टिम बेलडाँडिले ३० हजार नगद पुरस्कार प्रमाणपत्र ट्रफी मेडल हात पारेको छ। भने उपविजेता टिम फिट २४ फिट्नेशले नगद १५ हजार प्रमाणपत्र ट्रफी मेडलमा चित्तबुझाएको छ।
उक्त प्रतियोगिताको उत्कृष्ट गोलरक्षक बेलडाँडी टिमका लोकेन्द्र साउँद घोषित भए। उनले नगद १ हजार पुरस्कार समेत पाएको छ।
प्रतियोगितामा जम्मा १७ टिमको सहभागिता रहेको थियो।
Discussion about this post