बेलडाँडी,
मुखैमा आएको शुभदिपावलीलाई मध्य नजर गर्दै बेलडाँडीका सचेत स्वस्फूर्त अगुवा युवाहरुले भोली विहान चवन्नी बजार सरसफाई गर्ने कार्यक्रम रहेको छ ।
बेलडाँडी लगायत यहाँका चौक चौराहमा पलाष्टिक जन्यफोहरले भविश्यमा भयावह रुप लिन सक्ने चिन्ता व्याक्तगर्दै स्वस्फूर्त सफाई आफैबाट थाल्ने जनाएका छन् । उक्त समूहका युवा केशब राज जोशीका अनुसार यहाँका व्यापारी लगायत सबैमा सकारात्मक सोचको विकास होस् भन्ने उदेश्यका साथ उक्त कार्य गर्न लागेको बताए ।
उनका अनुसार भोली विहान ८ बजे देखि १० बजे सम्म २ घण्टा सकभर सबैले श्रमदान गरेर अभियानमा सहयोग पुर्याउन आवहान समेत गर्नु भयो । जसको तर्फबाट जे सहयोग गर्न सकिन्छ जस्तै झाडु, पानी, मस्क जस्ता सामानहरु कसैदाताले आफुहरुको टिमलाई सहयोग गरे आभारी हुने जनाउनु भयो ।
सकभर तिहार सम्म निरन्तर सफाइ कार्यक्रमलाई तिव्रताका साथ सबै वडामा गर्ने कार्यक्रम रहेको तर हाम्रो टिमलाई स्थानीयले कस्तो सहयोग गर्न सक्छन त्यसमा भरपर्ने जनाइएको छ । बेलडाँडीका धेरै व्यापारीहरुले यस्तो कार्यका लागि युवाहरुलाई धन्यवाद दिदै सफाइ कार्यक्रममा सरिक हुने बताउनु भयो । बेलडाँडीका युवा व्यापारी प्रकाश मालीले आफु युवा भाइहरु संग सरसफाइमा सरिक हुने बताए । यस्तै सिद्धनाथ बैजनाथ सहकारीका अध्यक्ष क्षतिज भट्टले सफाइ कार्यक्रममा स्वयम आफै उपस्थित भइ सक्दो सहयोग गर्ने बताए ।
युवाहरुको यस्ता कार्यगर्ने योजना सुनेर अन्य नागरिकहरुले सकारात्मक रुपमा लिएका छन् । सफाई अभियानमा नेपाल प्रहरी, व्यापारी, बुद्धिजिबी, राजनितिककर्मी, पत्रकार, यवा लगायतको सहभागिता रहने छ । यस अभियानमा स्वस्फूर्त जो कोहि पनि जोडिन सक्ने जोशीले जनाएका छन् ।
Discussion about this post