बेदकोटमा निर्माणाधिन जलबायु प्रबिधिमा आधारित कुखुरा पालन फर्मको अनुगमन

धर्मा रोकाया,महेन्द्रनगर– भेटेरीनरी अस्पताल तथा पशु सेवा विज्ञ केन्द्र कञ्चनपुरकार्यालयका प्रमुख श्याम सिंह खड्काले बेदकोट नगरपालिका वडा नं। ५ मा निर्माणाधिन जलबायु प्रविधिमा आधारित कुखुरा पालन फर्मको अनुगमन तथा अवलोकन गर्नुभएको छ ।

भेटेरीनरी अस्पताल तथा पशु विज्ञ केन्द्र कञ्चनपुर कार्यालयका प्रमुख खड्काले प्रदेश सरकारको पचास प्रतिशत अनुदान रकममा उकृष्ठ कृषक टंक प्रसाद जोशीले निर्माण गरीरहेको जलबायु प्रविधिमा आधारित कुखुरा पालन फर्मको अनुगमन तथा स्थलगत अवलोकन गर्नुभएको हो ।

उहाले निर्माणाधिन फर्मको अवलोकन गरी कृषक जोशीबाट निर्माण प्रगतिबारे जानकारी लिनुभएको छ । उहाँले फर्मको ६० प्रतिशत निर्माण प्रगति भएको जानकारी कृषक जोशीले दिएको बताउनुभयो ।

‘हामीले फर्मको अनुगमन गरेका छौ, अनुगमनको क्रममा सन्तोसजनक ढंगले निर्माण कार्य भईरहेको छ,’ कार्यालय प्रमुख खड्काले भन्नुभयो ‘अनुगमनको क्रममा फर्मको भौतिक संरचना बनाउने कार्य लगभग ६० प्रतिशत सकिएको कृषक टंक जोशीले बताउनु भयो र हामी तपाईले त्यो देख्यौ पनि ।’

सुदूरपश्चिम प्रदेश सरकारको आर्थिक बर्ष २०८१र०८२ को बजेटबाट रु ३० लाख रकम अनुदान दिएको कार्यालय प्रमुख खड्काले बताउनुभयो । ‘बातावरण अनुकुलन प्रविधिमा आधारीत फर्म निर्माण गर्नका लागि प्रदेश सरकारको आर्थिक बर्ष २०८१र०८२को बजेट मार्फत आएको रकममध्ये ३० लाख अनुदान उहाँलाई दिईएको हो,’ कार्यालय प्रमुख खड्काले भन्नुभयो ‘लागत साझेदारी भएकोले तिस लाख सरकारले अनुदान दिएको हो भने बाकि तिस लाख रकम कृषक आफैले लगानी गर्ने सम्झौता अनुसार ६० लाखको लगानीमा उहाले फर्मको स्थापना गर्नुपर्ने हो ।’

उहाँले भौतिक संरचना निर्माण भईसकेपछिमात्रै मुल्यांक गरेर अनुदान रकम भुक्तानी गरीने बताउनुभयो । ‘सम्झौता अनुसार समग्र निर्माण कार्य सम्पन्न भईसकेपछि मात्रै यसको प्राविधिध मुल्यांक गरेर मात्रै भुक्तानी गछौ,’ उहाँले भन्नुभयो ‘लागत साझेदारी अनुसार लगानी लागेको पचास प्रतिशत रकम हामीले गरेको सम्झौतामा रकम नबढ्ने गरी पचास प्रतिशत हामीले अनुदान दिन्छौ ।’

भेटेरीनरी अस्पताल तथा पशु सेवा विज्ञ केन्दका प्रमुख खड्काले कञ्चनपुर जिल्लाभरीमा ६ जना किषानलाई जलबायु प्रविधिमा आधारीत कुखुरा पालन फर्म निर्माण गर्न अनुदान उपलब्ध गराउने सम्झौता गरेको बताउनुभयो । ‘भीमदत्त नगरपालिका वडा नं ५, १० र ११ नम्बर, बेलौरी नगरपालिका वडा नं. १०, कृष्णपुर नगरपालिका वडा नं। ९ र बेदकोट नगरपालिका वडा नं. ५ का १र१ जना किषान गरी जिल्ला भरीमा ६ जना किषानसंग फर्म निर्माण गर्न सम्झौता गरीएको छ,’ उहाँले भन्नुभयो ‘जिल्ला भरीमा एक करोड ८० लाख रुपया अनुदान दिईएको हो ।’
प्रतिकुल समयमा पनि मासुको उत्पादनमा बृद्धि गर्नका लागि सरकारले अनुदान दिएको कार्यालय प्रमुख खड्काले बताउनुभयो । ‘गर्मीको समयमा कुखुराको तौल नबढ्ने समस्या हटाई उत्पादनमा बृद्धि गर्ने उदेश्यका साथ सरकारले कृषकहरुलाई अनुदान दिएको हो,’ उहाले भन्नुभयो ‘यो प्रविधि नयाँ हो, यो प्रविधिको अरुले पनि देखासिकि गरेर कुखुराको उत्पादन बृद्धि गराई उत्पादनलाई घाटा हुन नदिन र नयाँ उत्पादनकलाई प्रोत्साहन पुगोस भन्ने हेतुले सरकारले अनुदान दिएको हो ।’
लटिनाथ कुखुरा फर्म खोलेर दश बर्षदेखि व्यवसायिक रुपमा कुखुरा उत्पादन गर्दै आईरहेका टंक प्रशाद जोशीले आफुले सरकारले दिएको अनुदानमा आधारीत भएर जलबायु प्रविधिमा आधारीत कुखुरा फर्मको निर्माण गरीरहको बताउनुभयो ।

कुखुरा उत्पादक जोशीले सरकारको पचास प्रतिशत९३०लाख० र आफ्नो पचास प्रतिशत९तिस लाख० रकम लगानी लगानुपर्ने भएता पनि आफु अझै १०/१५ लाख रकम थप लगाएर भए फर्मको गुणस्तरमा कुनै पनि कमी आउन नदिने बताउनुभयो । कृषक टंक जोशी सदूरपश्चिम प्रदेश भरीमा उत्कृष्ठ किषानकोरुपमा सम्मानित समेत भईसकेका छन् ।