बेलौरी नगरपालिकामा आज १ दिनको शोक बिदा

बेलौरी, फागुन २५ ।बेलौरी नगरपालिका वडा नं. ३ का वडा अध्यक्ष सिताराम रिजालको असामयिक निधनको शोकमा आज १ दिनको लागि शोक बिदा घोषणा गरिएको छ। नगर कार्यपालिकाको निर्णयअनुसार मिति २०८१ फागुन २५ गतेका दिन नगरपालिकाको सम्पूर्ण कार्यालय तथा मातहतका निकायहरू बन्द रहनेछ।

नगर प्रमुख पोतिलाल चौधरीद्वारा हस्ताक्षरित सूचनामा जनाइएको छ कि समाजसेवी तथा जनप्रतिनिधिका रूपमा लामो समयदेखि क्रियाशील रहनुभएका रिजालको निधनले सम्पूर्ण नगरवासी स्तब्ध छन्। उहाँको स्मृतिमा १ दिनको शोक बिदा दिइएको हो।

वडा अध्यक्ष रिजालले विकास निर्माणदेखि सामाजिक सेवासम्म महत्वपूर्ण योगदान पु¥याएका थिए। उहाँ विशेषगरी विपन्न, असहाय तथा दलित समुदायका लागि सहयोगी हात बन्नुहुन्थ्यो। उहाँको निधनले नगरपालिकालाई अपूरणीय क्षति पुगेको नगर प्रमुख चौधरीले बताएका छन्।

नगरपालिकाले रिजालको दिवंगत आत्माको चिरशान्तिको कामना गर्दै शोकाकुल परिवारजनप्रति गहिरो समवेदना व्यक्त गरेको छ। नगरवासीहरूले उहाँको योगदान सधैं सम्झिरहने बताएका छन्।