बेलौरीमा कक्षा ८ को नतिजा सार्वजनिक : तीन निजी विद्यालयको शतप्रतिशत सफलता, तीन सरकारी विद्यालयको निराशाजनक शून्य नतिजा

बेलौरी । बेलौरी नगरपालिकाले शैक्षिक सत्र २०८१ को आधारभूत तह (कक्षा ८) को नगरस्तरीय परीक्षा नतिजा शुक्रबार सार्वजनिक गरेको छ। नगरपालिकाले सूचना प्रकाशित गर्दै परीक्षा परिणाम सार्वजनिक गरेको हो।

नतिजा अनुसार पालिका भित्र रहेका तीन संस्थागत विद्यालयले शतप्रतिशत सफलता हासिल गरेका छन् भने तीनवटा सामुदायिक विद्यालयको नतिजा भने पूर्णरूपमा शून्य रहेको देखिएको छ।

सफलता हासिल गर्ने संस्थागत विद्यालयहरूमा लिटिल गार्डेन बोर्डिङ स्कुल, रिजेन्सी एकेडेमी र सनराइज विद्या सदन रहेका छन्। यिनले आफ्ना सम्पूर्ण विद्यार्थी उत्तीर्ण गराउँदै उत्कृष्ट प्रदर्शन गरेका छन्।

अर्कोतर्फ, कृष्ण आधारभूत विद्यालय, गोरखनाथ माध्यमिक विद्यालय र कालिका आधारभूत विद्यालय भने सम्पूर्ण विद्यार्थी अनुत्तीर्ण भएका विद्यालयको सूचीमा परेका छन्।

नगरपालिकाभित्रका ३४ वटै सामुदायिक तथा संस्थागत विद्यालयहरूबाट १२२४ जना विद्यार्थी परीक्षामा सहभागी हुन योग्य ठहरिएका थिए। तीमध्ये ११७८ जना परीक्षामा सहभागी भए, जसमा ६१६ जना विद्यार्थी सफल भए भने ५६२ जना अनुत्तीर्ण भएका छन्। यसले गर्दा समग्र नतिजा ५२.२३ प्रतिशत मात्र सफलता दरमा सीमित भएको छ।

परीक्षाफलले संस्थागत र सामुदायिक विद्यालयबीचको गुणस्तरीय अन्तर फेरि एकपटक उजागर गरिदिएको छ। यसले शिक्षाको गुणस्तरमा ध्यान दिन पालिकालाई गम्भीर आत्ममूल्याङ्कन गर्नुपर्ने संकेत पनि गरेको छ।

यो खबर पढेर तपाईलाई कस्तो महसुस भयो ?
Array

Discussion about this post

छुटाउनु भयो कि ?

Related Posts

लोकप्रिय
भर्खरै प्रकाशित