डोटी । डोटीमा एक जना ट्राफिक प्रहरी जवान मृत अवस्थामा फेला परेका छन् । शिखर नगरपालिका–८ तिलताली घर भएका ट्राफिक प्रहरी जवान शंकर बलायर गोपघाटस्थित सडक छेउमा मृत भेटिएको जिल्ला प्रहरीले जनाएको छ ।
बलायर जिल्ला ट्राफिक प्रहरी कार्यालय रौतहटमा कार्यरत थिए । उनी दसैं मनाउनका लागि असोज ७ गते बिदा लिएर घर आएका थिए ।
स्थानीयवासीले सडक किनारामा शव देखेपछि प्रहरीलाई खबर गरेका थिए । घटनास्थलमा पुगेको प्रहरीले बलायरको टाउकोमा चोटको निशान देखिएको जनाएको छ ।
प्रहरीले घटनास्थल सिल गरी विस्तृत अनुसन्धान सुरु गरेको छ । प्रारम्भिक अनुमान अनुसार घटनामा कुनै दुर्भाग्यपूर्ण घटना वा आपराधिक संलग्नता हुन सक्ने आशंका गरिएको छ । घटनाको सत्यतथ्य पत्ता लगाउन प्रहरी टोलीले तथ्यगत अनुसन्धान अघि बढाएको बताइएको छ ।
Discussion about this post