सुदूरपश्चिम लगायत छिमेकी जिल्लाहरुमा एक हप्ता विद्युत् सेवा अनियमित हुने

बेलडाँडी,

सुदूरपश्चिम लगायत छिमेकी जिल्लाहरुमा एक हप्ता विद्युत् सेवा अनियमित हुने भएको छ ।

अत्तरिया ग्रिड शाखा अन्तर्गत स्याउले–अत्तरिया १३२ के.भी. प्रसारण लाइनको नयाँ स्थानान्तरण गरिएको टावर नम्बर ३७७ मा कन्डक्टर र ओपिजिडब्ल्यु स्ट्रिङिङ तथा टावर नम्बर ३४६ मा टावर विघटन, पुनः निर्माण र कन्डक्टर विश्राम लगायतका कार्य हुने भएकोले पुस ९ गतेदेखि १५ गतेसम्म विद्युत् सेवा अनियमित हुन सक्ने नेपाल विद्युत् प्राधिकरण अत्तरिया ग्रिड शाखाका प्रमुख रेवत कुमार चौधरीले
हस्ताक्षर गरेको जानकारी पत्रमा उल्लेख गरिएको छ ।

त्यस्तै लालपुर–कलुवापुर–बेलौरी ३३ के.भी. लाइन अपग्रेड कार्य समाप्त भएसँगै नयाँ लाइनको परीक्षण र सञ्चालनका लागि कलुवापुर सब स्टेसनमा फिडर निर्माण, मिटरिङ युनिट जडान लगायत अन्तिम चरणमा रहेका कार्य सम्पन्न गर्नुपर्ने भएकोले त्यस अन्तर्गत शनिबार ३३ के.भी. लाइन बिहान १० बजेदेखि दिउँसो ४ बजेसम्मको समयमा विद्युत् सेवा अवरुद्ध रहने नेपाल विद्युत् प्राधिकरण बेलौरी वितरण केन्द्रले जनाएको छ ।