बेलौरीकी अविवाहित बालिकाले अवैध गर्भबाट बच्चा जन्माईन्

कञ्चनपुर,
कञ्चनपुरको बेलौरी नगरपालिकाकी १५ एक बालिकाले अवैध गर्भधारणबाट बच्चा जन्माएकी छिन ।

बेलौरी नगरपालिका ८ कञ्चनपुरकी बालिकाले अवैध गर्भधारणबाट बच्चा जन्माएकी हुन । ति बालिकाले ३ माघ घरमै बच्चा जन्माएपछि घटना बाहिरिएको हो । उनीबाट छोरा जन्मिएको छ ।

उतिबेला परिवारले बुहारीको छोरा जन्मिएको भन्दै गाँउघरमा हल्ला चलाएका थिए । समाजिक बेईजतीका डरले बालिकाले यौनसम्बन्ध बारे कुरा कसैलाई बताएकी थिईनन ।
विवाह नभएको अवस्थामा कसरी बच्चा जन्मिएको भन्दै उक्त घटना संस्कास्पद रहेको पाईएको छ । नाबालिका त्यसमा पनि अविवाहितले बच्चा जन्माएपछि उनी बलात्कृत भएको ठहरिन्छ ।

मुलुकी अपराध संहिता अनुरुप कुनैपनि बालिकाको उमेर नपुुगेको अवस्थामा उसको सहमती लिएर पनि यौनसम्पर्क गर्न नपाईने भएपनि त्यस बिरुद्धमा ति बालिकालाई गर्भधारण गराउने कार्य स्वत बलात्कार ठहरिने कानुन व्यवसायीको भनाई छ ।

परिवारले भने घटना लुकाउन खोजेका छन । तर स्थानीयले घटना रहस्यमयी भएकाले घटनाको छानबिन गरेर दोषि उपर कार्बाहीको माग अघि सारेका छन । गत बैशाखमा ति बालिकाका भिनाजु नाता पर्ने भारतको बरेलीका दयाराम गुप्तासंग भाग्ने क्रममा उनलाई रोकिएको थियो ।

उमेर नपुगेपछि बालिकालाई परिवारको जिम्मा लगाईएको थियो । गर्भ रहेको सात महिना पछि मात्रै थाहा पाएको बालिकाले प्रहरी समक्ष बयान दिएकी छिन । बालिका परिवारले अहिले गुप्ता बिरुद्धमा उजुरी दिएका छन । तर, उक्त घटनामा गुप्ता नै हुन वा अरु कोही भन्दै डिएनए परीक्षण गरेर बालिकाको बाबु पहिचानमा जोडदिएका छन ।

ईलाका प्रहरी कार्यालय बेलौरीका प्रहरी इन्चार्ज दान बहादुर भण्डारीले घटना बारे अनुसन्धान भईरहेको बताए । ‘बालिकाले हामीसंगको बयानमा भिनाजु नाता पर्ने युवकको बच्चा हो भनेर भनेकी छन्, पीडीत परिवारले अहिले जाहेरी दिएका छन,’ प्रहरी निरीक्षक भण्डारीले भने, ‘आरोपीको खोजी भइरहेको छ ।’

प्रहरीले बालिकासंग सोधपुछ गर्ने क्रममा भिनाजु नाता पर्ने भारतीय नागरिक दयाराम गुप्ताको बच्चा भएकोे बयान दिएकी छिन । घटनाले बालिका, उनको परिवार जन्मिने बच्चा संकटमा परेका छन । कानुन अनुरुप बालिका बलात्कृत भएकी छिन । भने अर्कारित समाजिक बेईजतीले बालिका र शिशुको भविष्य चौपट पर्ने चिन्ता व्यक्त गरिएको छ ।