जंगली जनावरबाट बच्न निकुञ्ज किनार वडाद्वारा साैर्य बत्ती जडान

बेलडाँडी,
बेलडाँडी गाउँपालिका वडा नं ५ ले जंगली जनारको अातंक न्यूनीकरण गर्नका लागि निकुञ्ज किनार तिर सोलार वत्ती जडान कार्य सूरु गरेको छ ।

स्थानिय वासिको मागलाई मध्यनजर गरी रातिको समय जंगली जनावर बाट हुनथालेको अातंकलाई न्यूनीकरण गर्न सोलर वत्ती लर्गाइएको वडा नं. ५ का अध्यक्ष इन्द्र बहादुर खडकाले जानकारी गराउनु भयो । उहाँका अनुसार चितुवा गाउँमा पसेर दैनिक बाख्रा खानथालेकाले उज्यालोका कारण कम हुन सक्ने सम्भावना रहेकाले अहिलेको अार्थिक बर्षमा ४ वटा सोलार बत्ती निकुञ्ज किनार जोडेको बताए ।
सोलार बत्ती लाइट नभएका बेला समेत उज्यालो दिईराख्ने भएकाले जंगली जनावर गाउँ कम पस्ने जनाए । अागामी बर्षहरूमा समेत बत्ती थप गरिने वहाँले बताउनु भयो ।

उक्त मुख्य मुख्य जोखिम क्षेत्रमा बत्ती जडान भएपछि स्थानीय हरूलाई केही राहत हुने भएपछि उनीहरू हर्षित भएका छन् ।

पछिल्लो समयमा बेलडाँडीका विभिन्न ठाउँमा जंगली जनावरले बालिनालिको नोक्सान गर्नुका साथै दुख गरिकिसानले पालेको बाख्रा गोठमा पसि खाने गरेको छ ।