बेलडाँडी,
एन–प्यावसन बेलडाँडी युनिटद्वारा गत शुक्रवार देखि जारी गाउँपालिका अध्यक्ष रनिङ कप प्रतियोगिता आज एक कार्यक्रमका बीच सम्पन्न भएको छ ।
समापन समारोहमा बेलडाँडी शिक्षा क्षेत्रमा योगदान पुर्याएको भन्दै बेलडाँडी गाउँपालिका वडा नं. १ सरस्वती माध्यमिक विद्यालयका शिक्षक जनकराज जोशी र बेलडाँडी गाउँपालिका वडा नं.२ बस्ने समाजसेवी कृष्णराज साउदलाई सम्मान गरिएको एन–प्यावसन बेलडाँडी युनिटले जनाएको छ ।
बेलडाँडीको समग्र शिक्षा क्षेत्रकोचौतर्फी विकासका लागि पुर्याउनु भएको योगदानको उच्च मुल्याङकन गर्दै सम्मानपत्र र दोसल्ला ओढाएर गाउँपालिका अध्यक्ष तथा कार्यक्रमका प्रमुख अतिथि हरिशचन्द्र राना र कार्यक्रमका सभापति गोरख बहादुर चन्दले सम्मानपत्र हस्तान्तरण गरेका थिए ।
सम्मान हुने द्धय जोशी र साउदले उचित मुल्याङकन भएको बताउदै आगामी दिनमा समेत समाजिक कार्यमा कठिवद्ध भएर लाग्ने बताउनु भयो । यस्तै कार्यक्रममा प्रत्येक विद्यालयका २/२ जना शिक्षकहरुको हौसला प्रदानका लागि सम्मान गरिएको हो । उक्त कार्यक्रममा उपस्थित अतिथिहरुलाई मायाको चिनो समेत प्रदान गरिएको थियो ।
Discussion about this post