बेलडाँडी १५ सैया अस्पतालको प्रदेश सभा सदस्य बिष्टद्धारा भोली शिलान्यास गरिदै

बेलडाँडी,
बेलडाँडी गाउँपालिकामा बन्न थालेको १५ सैया अस्पतालको भोलि प्रदेश सभा सदस्य दिवान सिह बिष्टद्धारा शिलान्यास गरिने भएको छ ।

बेलडाँडी गाउँपालिकासंग निर्माण कम्पनीले सम्झौता गरेको ४ महिना पछि भोली शिलान्यास गर्ने तयारी थालेको छ । चालू आर्थिक वर्ष २०७९–८–६ गते बंगलामुखी बैजनाथ जेभीले १६ करोड ५१ लाख ६२ हजार ५ सय ७७ रुपैयाँबराबर लागतमा ६ मंसिर ०८१ मा निर्माण सम्पन्न गर्ने गरी सम्झौता गरेको छ ।

अस्पताल बन्ने जग्गा अतिक्रमित भएकाले काम गर्नमा ढिला भएको पालिकाले जनाएको छ । पालिकाले दुरुत गतिमा काम गर्न निर्माण कम्पनीसंग कम्युनिकेशन बढाएको छ ।

बेलडाँडीमा अघिल्लो स्थानीय सरकारले अस्पताल निर्माणका लागि ठेक्का प्रक्रिया नबढाएपछि गत वैशाखमा आएको नयाँ स्थानीय सरकारले ठेक्का खोलेर काम सुरु गराएको हो ।

१७ मंसिर ०७७ मा तत्कालीन प्रधानमन्त्री केपी ओलीले देशैभरका तीन सय ९७ पालिकामा १५ सैयाको आधारभूत अस्पताल बनाउन भर्चुअल माध्यमबाट एकसाथ शिलान्यास गरेका थिए ।