सुदूरपूर्वका उद्योगीको जोशी र कुँवरलाई सहयोग गर्ने प्रतिबद्वता

कञ्चनपुुर,
कञ्चनपुर, उद्योग वाणिज्य संघका अध्यक्ष पिताम्बर जोशी र कैलाली उद्योग वाणिज्य संघका अध्यक्ष पुष्पराज कुँवर पूर्वी नेपाल पुगेका छन ।

नेपाल उद्योग वाणिज्य महासंघ केन्द्रीय समितिको चुनाव नजिकिएसंगै जोशी र कुँवर देश दौडाहामा निस्केका छन । जोशी र कुँवर सुदूरका बरिष्ठ उद्यमी व्यवसायी हुन ।

दुबै जनाले महासंघको केन्द्रीय कार्यकारिणी समितिको जिल्ला नगरको (खुल्ला तर्फ) बाट सदस्यमा उम्मेदवारी घोषणा गरेपछि देशभरका उद्योगी व्यवसायीलाई भेटघाटमा सक्रियता बढाएका छन ।

बुधबार धनगढीबाट चुनावी अभियान सुरू गरेका कुँवर र जोशीले शुक्रबार कोशी प्रदेश पुगेर त्यस जिल्लाका उद्योग वाणिज्य संघका अध्यक्षसहित उद्योगी व्यवसायीहरुसंग भेट गर्दै चुनावमा सहयोग गर्न आग्रह गरेका छन । सुदूरपूर्वका व्यवसायीहरुसंग सुदूरपश्चिम जहिले पनि हातेमालो गरेर अगाडि बढन तयार रहेको धारणा राखेका छन ।

भेटका क्रममा सुदूरपुर्व त्यहाँका उद्योगी व्यवसायीहरुले चुनावमा जीतको अग्रीम शुभकामना दिँदै आफूहरूको साथ सहयोग रहने प्रतिबद्वता समेत जनाएका छन ।

नेपाल उद्योग वाणिज्य महासंघको ५७ औँ चुनावी साधारण सभा यही चैत्र २८ र २९ गते हुँदैछ । त्यसका लागि केन्द्रीय सदस्यका लागि कञ्चनपुरबाट जोशी र कैलालीबाट कुँवर सहितका उद्यमी व्यवसायी देखिएका छन ।

सुदूरपश्चिमबाट समेत महासंघमा प्रतिनिधित्व गर्दै सुदूरको औद्योगिक बृद्धि विकासका लागि आवश्यक रहेको औल्याईएको छ ।