बेलडाँडीका नव जनप्रतिनिधीहरुलाई भोली सपथ ग्रहण गराइदै

बेलडाँडी,

बैशाख ३० गते सम्पन्न स्थानीय तहको निर्वाचनबाट निर्वाचित बेलडाँडीका जनप्रतिनिधीहरुलाई भोली सपथ खुवाउने कार्यक्रम तय भएको छ । बेलडाँडीमा रहेका ५ वटा वडाबाट निर्वाचित प्रतिनिधीहरुलाई भोली दिउसो १ बजे बेलडाँडी गाउँपालिकाका नव निर्वाचित अध्यक्ष हरिचन्द्र रानाद्धारा पद तथा गोपनियता बारे सपथ ग्रहण गराइने बेलडाँडी गाउँपालिकाले जनाएको छ ।

अस्ती मात्र बेलडाँडी गाउँपालिकाका नव निर्वाचित अध्यक्ष हरिचन्द्र राना लगायतलाई मुख्य निर्वाचन अधिकृत तथा जिल्ला न्यायाधिश मदन बहादुर धामीले सपथ ग्रहण गराएका थिए ।

स्थानीय तहको दोस्रो निर्वाचनबाट निर्वाचित जनप्रतिनिधी जनताको भावनालाई जित्ने गरि काम गर्नका लागी पनि उनिहरु छिट्टै सपथ लिएर काम गर्ने तयारीमा छन् ।

अध्यक्ष रानाले भने जनताले दिएको मतको कदरगर्दै सोही अनुसार जनताको पक्षमा काम गर्ने बताए । जनताको काम गर्नका लागि आफुले शिक्षक पेशा त्यागेर खुल्ला राजनितिकमा होमिएको बताउदै अवका ५ बर्षमा बेलडाँडीको नयाँ मुहार फेर्नमा लागि पर्ने बताए । उनले भने थप मनोनित सदस्यहरुको बिषयमा समेत पार्टीमा छलफल चलिरहेको बताउदै कार्यपालिकाको पहिलो बैठकबाटै महत्वपुर्ण निर्णय गर्नका लागि छलफल भइरहेको जनाए ।