कञ्चनपुर,
कञ्चनपुरको एक सामुदायिक विद्यालयले स्थानीय सरकारसंग भवन निर्माणका लागि बजेट माग गरेको छ । भीमदत्त नगरपालिका १४ बनकट्टीमा रहेको शान्ति आधारभूत विद्यालयले भवन निर्माणका लागि बजेट माग गरेको हो ।
बिहीबार शान्ति आधारभूत विद्यालयका प्रद्यानाध्यापक उत्तम विष्टले भीमदत्त नगरका उपप्रमुख निलम लेखकलाई माग पत्र बुझाउँदै विद्यालय भवन निर्माणका लागि बजेट माग अघि सारेका छन ।
प्रअ विष्टले विद्यालयमा भवन मर्मत र टिनसेटका लागि बजेट अपरिहार्य रहेको भन्दै चालु बर्षमै बजेट दिन माग अघि सारेका हुन । उक्त विद्यालयमा ७० प्रतिशत भन्दा बढि दलित जनजाती समुदायका विद्यार्थी भएकाले समयमै मर्मत नभए जोखिम भएकाले बजेट माग अघि सारेका छन ।
यस अघि उपप्रमुख लेखक र भीनपा १४का वडाध्यक्ष भोजराज जोशीले विद्यालयको स्थलगत अनुगमन गर्दै अधुरो भवन निर्माणका लागि सिफारिस समेत गरेका छन । उपप्रमुख निलक लेखक र प्रमुख पदम बोगटीले भवन निर्माणका लागि प्रमुख प्रशासकीय अधिकृतलाई निर्देशन दिएका छन ।
Discussion about this post