बेलडाँडी,
नेपाल शिक्षक संघ बेलडाँडी गाउँकार्यसमितिद्धारा ३४ औं स्थापना दिवस भव्यताका साथ मनाइएको छ ।
समितिले स्थापनाम दिवसका अवसरमा शिक्षा पेशामा अतुलनिय योगदान पुर्याउने बेलडाँडीका तीनजना सेवा निवृत शिक्षकहरुलाई सम्मान गरेको छ । आज सनिवार गाउँपालिकाको सभा हलमा सम्मान तथा परिच्यात्मक कार्यक्रमको आयोजना समेत गर्दै संघले कार्यक्रम मनाएको नेपाल शिक्षक संघ बेलडाँडी गाउँकार्यसमितिका अध्यक्ष दिल बहादुर सिंहले जानकारी गराउनु भयो ।
वहाँका अनुसार यस संगठनमा लामो समय आवद्ध रहि संगठनमा पुर्याएको योगदानको कदर गर्दै सेवा निवृत हुनुभएका बेलडाँडीका शिक्षक धनसिंह कार्की, इन्द्रदत्त भट्ट र बासुदेव ओझालाई दोसल्ला र सम्मान पत्रले सम्मान गरिएको जनाए । अझै शिक्षक पेसालाई मर्यादित बनाउदै शिक्षकहरुको हकहितमा निरन्तर काम गर्ने बताउनु भयो ।
उक्त कार्यक्रम संघका अध्यक्ष सिंहको अध्यक्षतामा प्रमुख अतिथि बेलडाँडी गाउँपालिका अध्यक्ष हरिशचन्द्र राना रहेका थिए भने अतिथिमा उपाध्यक्ष शान्ती नाथ, बेलडाँडी गाउँपालिका प्रवक्ता गज बहादुर बिष्ट, शिक्षक संघ सुदूरपश्चिम प्रदेशका उप महासचिव विष्णु सिंह भण्डारी लगायतका शिक्षकहरुको उपस्थिति रहेको थियो ।
Discussion about this post