बेलडाँडी,
बेलडाँडी ईलाका प्रहरी कार्यालयद्धारा सोमवार पुर्व प्रहरीहरुसंग छलफल, अन्तरक्रिया तथा परिचयात्मक कार्यक्रम सम्पन्न गरेको छ ।
बेलडाँडी ईलाका प्रहरी कार्यालयको परिसरमा शान्ती सुरक्षाका विषयलाई प्रभावकारी बनाउन पुर्व प्रहरी कर्मचारीहरुसंग छलफल गरिएको बेलडाँडी इलाका प्रहरी कार्यालयले जनाएको छ ।
समुदाय प्रहरी साझेदारी कार्यक्रम अन्तरगत पुर्व प्रहरी कर्मचारीहरुसंग छलफल तथा अन्तक्रिय कार्यक्रम सम्पन्न गरिएको हो । उक्त कार्यक्रमा पुर्व प्रहरी कर्मचारीहरु बिच अनुभवको आदान प्रदान तथा राय सुझाव लिईएको थियो ।
बेलडाँडी ईलाका प्रहरी कार्यालयका प्रमुख प्रहरी निरीक्षक पुस्कर पन्तका अनुसार पुर्व प्रहरी कर्मचारीबाट समाजमा शान्ती सुरक्षा, अपराध नियन्त्रण,खबर संकलनमा सहयोग हुने आशाका साथ यस्तो कार्यक्रम आयोजना गरिएको बताए ।
उहाँका अनुसार आगानी दिनहरुमा प्रहरी कार्यमा पुर्व प्रहरी कर्मचारीहरुको राय सुझाव लिई शान्ती सुरक्षालाई अगाडी बढाइने बताउनु भयो । बेलडाँडीमा पुर्व प्रहरी कर्मचारी ४०/४५ जना रहेको र २२ जना अहिले कमिटिमा रहेका छन् ।
Discussion about this post