बेलडाँडी २ का जनताका लागि खुसीको खवर : नाप जाँच कार्य शुरु

453
VIEWS

बेलडाँडी,
बेलडाँडी गाउँपालिका वडा नं.२ का जनातालाई जग्गाको मालिक बनाउन नाप नक्सा शुरु भएको छ ।

 

बेलडाँडी गाउँपालिका वडा नं.२ का भुमीहीन दलित, सुकुम्बासी र अब्यबस्थित बसोबासीहरुलाई जग्गा धनी बनाउन नाप नक्साको काम आज आइतवार देखि नाप जाँच शुरू भएको छ ।

गाउँपालिकाका अध्यक्ष हरिचन्द्र रानाले बेलडाँडी वडा न २ र ५ को सीमाना भुर्षा गौडी देखि नाप जाँचको कार्य उदघाटन गर्दै नक्साको काम शुरू गरेको जनाए । अध्यक्षका अनुसार जनतालाई जमिनको मालिक बनाउन पालिकाले सम्बन्धित पक्षहरु संग छलफल तिब्र पारेको जनाए ।

निकुञ्जले पछिल्लो समयमा राजपत्रमा भुर्षा स्कुलको नहर पारीको जमिन निकुञ्जको नक्सामा देखाएकाले त्यो समस्या समाधानका लागि सम्वन्धित पक्ष संग बसेर सरकारलाई समस्या समाधानका लागि पहल गर्ने बताएका छन् ।

बेलडाँडी वडा नं.२ मा भुमीहीन दलित ७६, भुमीहिन सुकुम्बासी ५९ र अब्यबस्थित बसोबासी १३ सय ८१ रहेको सेवा केन्द्र एकाइ प्रमुख हेमराज रेग्मीले जानकारी गराउन भयो । वहाँका अनुसार नाप जाँचमा सबै पक्षबाट सहयोगको अपेक्षा गर्दै स्थानीय अगुवाहरुले सहयोग गर्नु पर्ने बताए ।

बेलडाँडीका स्थानीय मदन राज भट्टका अनुसार वडा नं.२ मा निकुञ्ज संग र दोधारका सट्टा भर्ना समेत रहेकाले विभिन्न समस्या र चुनौती अन्य वडा भन्दा यहाँ बढी देखिएकाले सबै पक्षबाट नाप जाँचमा सहयोग गर्नुपर्ने बताए ।

उहाँका अनुसार गौडी क्षेत्र निकुञ्ज संग जोडिएकाले निकुञ्जको समस्या तुरुन्त समाधान गरी यहाँका स्थानीयलाई जग्गाको मालिक बनाउन पहिलो प्राथामिकता दिनु पर्ने बताए ।

 

भुमीहिन दलित,भुमिहिन सुकुम्बासी र अव्यवस्थित बसोबासीका लागि जग्गा नाप नक्सा गर्ने कार्यको गौडीबाट शुभारम्भ गरेका हुन । उदघाटन कार्यक्रममा जनप्रतिनिधि, राजनैतिक दलका प्रतिनिधि, स्थानीय वासिन्दा लगायतको सहभागिता रहेको थियो । बर्षाैं पछि जमिनको मालिक बन्ने भएपछि स्थानीय हर्षित भएका छन् ।

Discussion about this post

सम्बन्धित समाचार

Related Posts

लोकप्रिय समाचार