गणतन्त्र दिवस : कञ्चन सामुदायिक विकास केन्द्रद्धारा बेलडँडीमा दिप प्रज्वलन

बेलडाँडी,
१६ औँ गणतन्त्र दिवसको अवसरमा समुदायमा आधारित कार्य सञ्जाल कञ्चन सामुदायिक विकास केन्द्रले बेलडाँडी गाउँपालिकाको मुटु चवन्नी वजारमा दिप प्रज्वलन गरेको छ ।

वीर सहिदहरुको योगदानलाई सम्मान गर्दै विकास केन्द्रले गणतन्त्र दिवसको अवसरमा दिप प्रज्वलन गरि दिवस मनाएको हो ।

चवन्नी बजार माथिल्लो चोकमा नेपालको नयाँ नक्सा बनाई मैनबत्ती बालेर गणतन्त्र दिवस उत्साहको साथ मनाएका थिए । बेलडाँडी गाउँपालिकाका जनप्रतिनिधी सहितको उपस्थितिमा दिप प्रवजन गरि कार्यक्रमको शुभारम्भ गरिएको कञ्चन सामुदायिक विकास केन्द्रका सामाजिक परिचालक गिता राना क्षेत्रीले जानकारी गराउनु भयो ।

उहाँका अनुसार नेपाली जनताको त्याग तपश्या र बलिदानीले ल्याएको गणतन्त्रको रक्षा गर्नु हामी सबैको दायित्व रहेको बताए । देशमा गणतन्त्र ल्याउन राजनितिक दल र आम जनसमुदायको उल्लेख्य भूमिका थियो र अझै पनि यसलाई गोडमेल, संरक्षण र फलाउन फुलाउन सबै अग्रगामी एजेन्डा बोकेर हिँड्ने राजनीतिक दल, नागरिक समाज, सरकारी तथा गैरसरकारी संघसंस्था, कर्मचारी, राष्ट्रप्रेमी जनता र मिडिया क्षेत्रको अहम् भूमिका हुनुपर्नेमा जोड दिए ।

कार्यक्रममा वडा नं.२ का अध्यक्ष नारद सिंह उर्यालले गणतन्त्रको रक्षा गर्नु हामी सबैको दायित्व रहेको बताए । युवा साथीहरूले गणतन्त्रको रक्षाका निम्ति गरेको यस कार्यक्रमले सबैको अाँखा खोलेको बताए ।

यस्तै कञ्चन सामुदायिक विकास केन्द्रका सचिव मनोज नेपाली भने देशमा यत्रो परिवर्तन ल्याउन नेपाली जनताले गरेको त्यग बलिदानको सबै पक्षबाट सम्मान गरिनु पर्नेमा जोड दिए ।

बेलडाँडी गाउँपालिका वडा नं.२ का अध्यक्ष नारद सिंह उर्यालको प्रमुख आतिथ्यता रहेको उक्त कार्यक्रममा युवा, विद्यार्थी, स्थानीय, शिक्षक संस्था कर्मचारी लगायतकाहरुको उपस्थिती रहेको थियो ।