बेलडाँडी वडा नं १ मा समेत जग्गा नापजाँच कार्य शुरू

बेलडाँडी,
बेलडाँडी गाउँपालिका वडा नं.१ मा समेत जग्गा नापजाँच कार्य शुरु भएको छ ।

बेलडाँडी गाउँपालिका वडा नं.१ का भूमिहिन दलित, सुकुमबासी र अव्यवस्थित बसोबासीलाई जग्गा धनी बनाउन नाप नक्साको काम आज आइतवार देखि शुरू गरिएको पालिकाले जनाएको छ ।

वडा नं. १ का अध्यक्ष तथा बेलडाँडी गाउँपालिकाका प्रवक्ता गज बहादुर बिष्टका अनुसार भूमिहिन दलित, सुकुमबासी र अव्यवस्थित बसोबासीलाई जमिनको मालिक बनाउनका लागि गाँउपालिकाले जग्गा नापजाँचलाई तिब्रता दिएको बताए ।

वहाँका अनुसार बेलडाँडी वडा नं.१ मा भुमीहीन दलित २९, भुमीहिन सुकुम्बासी २१ र अब्यबस्थित बसोबासी ६ सय २६ गरि हाल सम्म जम्मा ६७६ ईन्ट्री भएको जनाए ।
नापजाँच कार्यलार्ई दुरुस्त गतिमा अघिबढाउन जनशक्ति थप गरिएको समेत जनाए ।

वडा नं. ५ मा नापजाँचको काम अन्तिम चरणमा रहेको, वडा नं २ र ३ मा नापजाँच कार्य जारी रहेको पालिका अध्यक्ष हरिश्चन्द्र रानाले जानकारी गराउनु भयो ।
प्रमुख रानाले अाज १ मा समेत नापजाँच कार्य उदघाटन गर्दै अाम जनतालाई जमिनको मालिक भनाउने अभियानलाई तिब्रता दिएको बताए ।

उदघाटन कार्यक्रममा जनप्रतिनिधि, राजनैतिक दलका प्रतिनिधि, स्थानीय वासिन्दा लगायतको सहभागिता रहेको थियो । बर्षाैं पछि जमिनको मालिक बन्ने भएपछि स्थानीय हर्षित भएका छन् ।