बेलडाँडी,
कञ्चनपुरको बेलडाँडी गाउँपालिका स्थित गौडीमा भत्केको नरह मर्मत कार्य सम्पन्न भई आज देखि नहरमा पानी संचालन गरिएको छ ।
गत सनिवार राती पानीको बहाव बढी भइ बेलडाँडी गाउँपालिका वडा नं.२ गौडी शिवनगर जाने मुल नहर भत्केको थियो । नरह भत्कीदा इमालीया, झिलमिला, बैवाह, भुडा, शिवनगर लगायतका किसानहरु मर्कामा परेका थिए ।
किसानको समस्यालाई मध्यनजर गर्दै महाकाली सिंचाई जल उपभोक्ता संघ केन्द्रिय समिति र द्धितिय चरण क्षेत्रीय समितिले दुरुत गतिमा मर्मत कार्य गर्दा आज ४ दिन पछि नहर सञ्चालनमा ल्याउन सफल भएका छन् । केन्द्रिय समितिका अध्यक्ष भीम बहादुर थापा क्षेत्रीय समितिका अध्यक्ष गोपाल कुँवरले किसानका पक्षमा गम्भीर भइदिदा समस्या छिट्टै समाधान भएको हो ।
केन्द्रिय अध्यक्ष थापाले आफ्नो फेसबुकामा नरह संचालनमा आएको फोटो हाल्दै आम त्यस क्षेत्रका किसानलाई जानकारी गराएका छन् । नहरमा पानीको बहाव बढे पछि नहरले पानी धान्न नसक्दा नहर भत्केको थियो । समयमै पानी किसानको खेतमा पुर्यान समिति सफल भएको भन्दै त्यस क्षेत्रका किसान हर्षित हुँदै धन्यवाद ज्ञापन गरेका छन् ।
Discussion about this post