कञ्चनपुर,
कञ्चनपुरको बेदकोट नगरपालिका क्षेत्रका दलित महिलालाई आत्मनिर्भर बनाउनका लागि मालापोते तालिम दिईएको छ ।
बेदकोट नगरपालिका ३ नम्बर वडाले दलित समुदायका महिलालाई आत्मनिर्भर बनाउनका लागि मालापोते तालिम दिईएको हो । पेलीतालेश्वर एकता समाजले बेदकोट नगरपालिका ३ को आर्थिक सहयोगमा सात दिने तालिम दिईएको छ ।
बेदकोट नगरपालिका ३ का वडाध्यक्ष मोहन र्गुधामीले वडा क्षेत्रमा रहेका विपन्न दलित समुदायका महिलालाई आत्मनिर्भर बनाउनका लागि तालिम लिईएको बताए ।
उनका अनुसार उक्त तालिममा वडा क्षेत्रकै दलित समुदायका विपन्न महिला सहभागि भएका थिए । तालिमको मुख्य प्रशिक्षकमा डिजायनर ज्योती केसी(तिवारी) रहेकी थिईन । उनले नै तालिम दिएकी थिईन । तालिमको एक कार्यक्रमका विच बुधबार समापन गरिएको छ ।
समापन कार्यक्रलमकी प्रमुख अतिथि समेत रहेकी बेदकोट नगरपालिका उपप्रमुख तुलसी जोशीले तालिममा सिकेका विषयबस्तु व्यवहारिक कार्यान्वयनमा जोडदिए ।
तालिममा सहभागिलाई प्रमाण पत्र समेत दिईएको छ । तालिम लिएका प्रशिक्षार्थीले मालापोतेबाट निर्माण भएका समाग्री समेत प्रर्दशन गरिएका छन ।
Discussion about this post