काँग्रेसका अधिकांश नेताकार्यकर्ता स्वतन्त्र पार्टी प्रति आक्रसित बन्दै

बेलडाँडी,

नेपाली कांग्रेसका नेताकार्यकर्ताहरु कांग्रेस परित्याग गर्दै रवि लामिछाने नेतृत्वको राष्ट्रिय स्वतन्त्र पार्टी प्रति आक्रसित बन्दै गएका छन् ।

ती नेता कार्यकर्ताले रवि लामिछाने नेतृत्वले हाकेको अभियानलाई अझै बृहत् बनाउनका लागि आफूहरुले राष्ट्रिय स्वतन्त्र पार्टीमा प्रवेश गर्ने निर्णय लिएको बताएका छन् । राजनितिक दलहरुबाट नागरिक खिन्न बन्दै गएका बेला लामिछाने नेतृत्वको दल प्रति केहि आशा पलाएको ठान्दै प्रवेश गर्नेको लहर चलेको छ । यति बेला कञ्चनपुर जिल्लाको दक्षिणी क्षेत्र क्षेत्र नं.१ मा कांग्रेस एमाले परित्याग गर्दै परिवर्तन चाहने स्वतन्त्र नागरिकहरु समेत सो पार्टीमा प्रबेश गर्न थालेका छन् ।

आज सनिवार बेलडाँडी गाउँपालिका वडा नं.४ मा मदन रोकाया नेतृत्वको वडा कमिटि विस्तार गरिएको बेलडाँडीका युवा नेता तेज सिंह धामीले जानकारी गराउनु भयो । वहाँका अनुसार आम मानिसले अहिले फोहोरी राजनितिका कारण परिवर्तन चाहेकाले परिवर्तनकारी युवाहरुलाई स्वतन्त्र पार्टी प्रवेशको कार्य भइरहेको जनाए । यति बेला साथीहरु उत्साहित हुदै सदस्यता लिन थालेको जनाएका छन् ।

उहाँले भने हामी राजनीतिक परिवर्तन एक दुई जनाले मात्र सम्वभव नभएकाले हामी जो जो आममानिसको दैनिकीमा सकारात्मक परिवर्तन गर्न लागिपरेका छौँ, ती सबैले राजनीतिमा आउनै पर्छ र त्यो ठाउँसम्म पुग्नै पर्छ’, जहाँ पुगेर वास्तविक परिवर्तन गर्न सम्भव छ ।

हाम्रो संवैधानिक प्रावधानले पनि यसका लागि पार्टीको आवश्यकता पर्दछ । एक्लो व्यक्ति स्वतन्त्ररुपमा निर्वाचित भएर संसदमा पुगेर चाहेको परिवर्तन सम्भव नभएकाले स्वतन्त्र पार्टीको थालनी भएको जनाए ।’