शैक्षिक गुणस्तर सुधारका लागि लक्ष्मी माविका शिक्षकलाई तालिम

कञ्चनपुर,
कञ्चनपुरको एक सामुदायिक विद्यालयले शैक्षिक गुणस्तर सुधारका लागि शिक्षकलाई तालिम दिएको छ ।

भीमदत्त नगरपालिका १९ बागफाँटामा रहेको लक्ष्मी माध्यामिक विद्यालयले शैक्षिक गुणस्तर सुधारका लागि शिक्षकलाई तालिम लिईएको हो ।

लक्ष्मी माध्यामिक विद्यालयका प्रद्यानाध्यापक प्रमानन्द नाथले सामुदायिक विद्यालयको शैक्षिक गुणस्तर बृद्धिका लागि कार्यरत शिक्षकलाई पुनर्ताजगी तालिम दिईएको बताए । प्रअ नाथका अनुसार विद्यालयले विभिन्न शिक्षासंग सरोकार राख्ने निकायसंग समन्वय गरेर तालिम संचालन गरिएको बताए ।

सोमबार एक कार्यक्रमका विच उक्त तालिमको भीमदत्त नगरका प्रमुख प्रशासकीय अधिकृत याम नारायण गौलीले उद्घाटन गरेका छन । तालिम उद्घाटन गर्दै सामुदायिक विद्यालयको बृद्धि विकासका लागि शिक्षक नै अग्रसर हुनुपर्ने बताए । प्रमुख प्रशासकीय अधिकृत गौलीले जसको पेशा हो, त्यही पेशाको मार्यादामा रहेर काम गर्नुपर्ने सुझाव छ ।

प्रमुख प्रशासकीय अधिकृत गौलीले विद्यालयको स्थलगत निरीक्षण गर्दै आन्तरिक प्रशासनदेखि शैक्षिक गतिबिधीमा उदाहरणीय काम गरेको विद्यालयको प्रसंसा गरेका छन । उनले यस्तै गरी अन्य सामुदायिक विद्यालय अघि बढ्नुपर्नेमा समेत सुझाव दिदै विद्यालयको बृद्धि विकासका लागि सहयोग गर्ने प्रतिबद्धता जाहेर गरेका छन ।

उद्घाटन समारोहका प्रमुख प्रशिक्षण समेत रहेका भीमदत्त नगरपालिका शिक्षा शाखा प्रमुख हरिदत्त जोशीले विद्यालय आफैले शिक्षकको क्षमता अभिबृद्धिका लागि अग्रसर भएर संचालन गरेको तालिम प्रभावकारी हुने बताए । अर्का प्रशिक्षक ओम प्रकास जोशीले सिकाईमा संगितको प्रयोग गरे शिक्षक सिकाई दीर्घकालिन हुने बताए ।

भीमदत्त नगरपालिका कार्यपालिका सदस्य समेत रहेकी बसन्ती जोशीले विद्यालयको बृद्धि विकासमा आफ्नो तर्फबाट सहयोग गर्ने बताईन । विद्यालय व्यवस्थापन समितिका अध्यक्ष दशरथ भण्डारीको अध्यक्षतामा शुरु भएको कार्यक्रमको संचालन सहायक प्रअ प्रेम प्रकास जोशीले गरेका थिए ।

तालिममा विद्यालयका सम्पूर्ण शिक्षक सहभागि भएका थिए । शिक्षकले यसरी विद्यालयबाटै तालिम दिने कार्यबाट उत्साहित भएको बताए । शिक्षासंग सम्बन्धीत विज्ञबाट प्रशिक्षण हुनेछ ।

मंगलबारदेखि भीनपा १९ मा रहेका सबै सामुदायिक विद्यालयका शिक्षक सहभागि हुनेछन । तालिम बुधबारसम्म संचालन हुनेछ ।