भोली सुदूरपश्चिम प्रदेशभर शोक बिदा

बेलडाँडी,
सुदूरपश्चिम प्रदेश सरकार, आन्तरिक मामिला तथा कानुन मन्त्री पृथ्वी बहादुर सिंहको आज सवारी दुर्घटनामा परि निधन भएको हुदा भोलि ६ गते शोक बिदा दिईएको छ ।

डडेल्धुराबाट बझाङ जिल्ला जाने क्रममा उनी सहित ५ जना सवार सु.प.प्र. ००१ झ. ४८० नम्बरको जिप दुर्घटना हुदा उनी सहित उनकी धर्मपत्नी अमृतादेवी सिंह र भाउजू जयादेवी सिंहको समेत निधन भएको थियो ।

सुदूरपश्चिम प्रदेश सरकार (मन्त्रिपरिषद्) को मिति २०८०।०३।०५ गते बसेको बैठकले सवारी दुर्घटनामा परी निधन भएका मृतकहरूप्रति हार्दिक श्रद्धाञ्जली एवं शोक सन्तप्त परिवारजनमा हार्दिक समवेदना प्रकट गर्नुका साथै घाइतेहरूको शीघ्र स्वास्थ्य लाभको कामना गर्दै मन्त्री सिंहको असामयिक निधनमा मिति २०८० साल असार ६ गते बुधबारका दिन सुदूरपश्चिम प्रदेशभर शोक बिदा दिने र उक्त दिन सुदूरपश्चिम प्रदेशभरका सरकारी तथा सार्वजनिक निकायहरुमा नेपालको राष्ट्रिय झण्डा आधा झुकाउने निर्णय गरेकोले सम्बन्धित सबैको जानकारीको लागि विज्ञप्ति जारी गरिएको छ ।