कैलालीमा साउन १ गतेबाट ट्राफिकको जरीवाना अनलाईन भुक्तानी गर्न सकिने

34
VIEWS

धनगढी/साउन १ गतेबाट कैलाली जिल्लामा ट्राफिक जरीवाना अब अनलाईन मार्फत भुक्तानी गर्ने नियम लागु हुने भएको छ ।

 

ट्राफिक नियम उल्लङघन गर्ने सवारी चालक तथा धनिलाई ट्राफिक जरीवाना बाफत नगदी रसिद दिएर अनलाईन भुक्तानी हुने भएको हो । कैलालीमा ट्राफिक भ्वाईलेन्ट रेकर्ड सिस्टम (टिभिआरएस) सफ्टवेयर माध्यमबाट जरिवाना बैकिङ्ग प्रणाली मार्फत भुक्तानी लिने जिल्लामा ट्राफिक कार्यालयका प्रमुुख प्रहरी निरीक्षक बिरेन्द्र जोहारीले जानकारी गराउनु भयो ।

उहाँका अनुसार बैकिङ्ग प्रणाली मार्फत भुक्तानी लिने स्टमका बिषयमा बुधबार धनगढीमा जिल्लाका सबै ट्राफिक कार्यालयका युनिटका प्रमुखहरुलाई तालिम दिएको जनाए । कार्यालय प्रमुख तथा पोष्ट प्रमुख, कार्यालयमा कार्यरत प्रहरी कर्मचारीहरुलाई तालिम प्राप्त प्रहरी कर्मचारीद्धारा उक्त सफ्टवेयर तथा बैङकिङ प्रणालिको बारेमा तालिम दिईएको थियो ।

साउन १ गते बाट सवारी नियम उल्लङघन गर्ने सवारी चालक तथा धनिलाई ट्राफिक प्रहरी द्धारा जारी गरेको २४ घण्टे पुर्जी दिईने र ट्राफिक जरीवाना बुझाउदा उक्त २४ घण्टे पुर्जी साथमा लिई नजिकको राष्ट्रिय बाणिज्य बैंक तथा ईसेवा, खल्ती, कनेक्ट आईपएिस, मोवाईल बैकिङ्ग र ट्राफिक प्रहरीको फाईन फेइमेन्टबाट भुक्तानी गर्ने सकिने भएको हो ।

Discussion about this post

सम्बन्धित समाचार

Related Posts

लोकप्रिय समाचार