निर्माण व्यवसायी संघ कञ्चनपुरका अध्यक्ष भट्टले भने, ‘आन्दोलन रहर नभई बाध्यताले हो’

कञ्चनपुर, २४ साउन । नेपाल निर्माण व्यवसायी महासंघको केन्द्रीय आन्दोलनमा कञ्चनपुर निर्माण व्यवसायी संघले समेत दरो साथ दिएको छ ।

काम गरेर भुक्तानी नपाएपछि देशैभरीका निर्माण व्यवसायी आन्दोलनमा उत्रिएका छन । गत विगतका विभिन्न आर्थिक बर्षमा काम गरेर पालिका, प्रदेश र संघीय सरकारका विभिन्न कार्यालयबाट भुक्तानी नपाएपछि निर्माण व्यवसायीले संघीय राजधानी केन्द्रीत आन्दोलन गरेको छ ।

नेपाल निर्माण व्यवसायी महासंघले आन्दोलनको नेतृत्व गरेको छ, उक्त आन्दोलन सुदूरपश्चिम प्रदेश कञ्चनपुर निर्माण व्यवसायी संघले समेत दरो साथ दिएको हो । कञ्चनपुर निर्माण व्यवसायी संघका अध्यक्ष निरन्जन प्रशाद भट्ट नेतृत्वमा कञ्चनपुरका निर्माण व्यवसायी समेत आन्दोलनमा सरिक भएका छन ।

अध्यक्ष भट्ट सहित निर्वतमान अध्यक्ष प्रेम प्रकास भट्ट, उपाध्यक्ष देव ब. चन्द, सह कोषाध्यक्ष यराज बैज, सल्लाहकार धर्मानन्द भट्ट लगायतका कार्य समितिका पदाधिकारी सहितको सहभागिता रहेको छ ।

काठमाण्डौँमा निर्माण व्यवसायीको आन्दोलनलाई सम्बोधन गर्दै कञ्चनपुर निर्माण व्यवसायी संघका अध्यक्ष निरन्जन प्रशाद भट्टले सरकारले ल्याएको ऐन निर्माण व्यवसायीमाथि कुठाराघात भएको बताए । उनले उक्त ऐन भत्र्सनायोग्य भएको बताए ।

अध्यक्ष भट्टले आफुहरु रहरले नभई बाध्यताले आन्दोलनमा उत्रिएको बताए । ‘हामीले रातदिन विकास निर्माण ग¥यौँ, ‘उनले भने, ‘सरकारले हामीमाथि उल्टै ऐन ल्याएर कुठाराघात गरेको छ, फिर्ता लिनुपर्छ ।’