बेलडाँडी, १ भाद्र । बषौं देखि एनटीसी टावर नआउने समस्या समाधान गरिदिन चवन्नी वजार ब्यवस्थापन समितिले नेपाल टेलिकम महेन्द्रनगर शाखालाई ज्ञापन पत्र बुझाएको छ ।
चवन्नी बजार व्यवस्थापन समितिका अध्यक्ष ललित खत्री, युवा ब्यवसायी प्रकाश मालीको टोलिले हिजो विहिवार टेलिकम कार्यालय महेन्द्रनगरमा बेलडाँडी एनटिसी टावरको बेलडाँडीमा नेटवर्क नआउने समस्या सामाधन गरिदिनुका साथै इन्टरनेट चल्ने सुविधान बनाइदिन आग्रह गरेका छन् ।
अध्यक्ष खत्रीका अनुसार चवन्नी बजारका ब्यवसायीहरुले टेलिकमले प्रदान गर्ने सेवा सुबिधाबाट बन्चित भएको जनाउदै तुरुन्त समस्या समाधान गरिदिन माग गरेका छन् ।
टेलिकम कार्यालयले ज्ञापन पत्र बुझ्दै उक्त समस्या समाधान गर्ने बचन दिएका छन् ।
Discussion about this post