शान्ति पुनर्स्थापना गृहको आयोजनामा बेलडाँडीमा समेत मानव बेचबिखन विरूद्धको १७ औँ राष्ट्रिय दिवस मनाईयो

बेलडाँडी – ‘शान्ति पुनस्थापना गुहको आवहान मानव बेचविखन विरूद्धको अभियान’ ” सामाजिक न्याय र आर्थिक सशक्तीकरण :मानव बेचविखनको निर्मूलन”भन्ने मूल नाराका साथ मानव बेचबिखन विरूद्धको १७ औँ राष्ट्रिय दिवस आज बेलडाँडीमा समेत मनाईदै छ ।

यस अवसरमा बेलडाँडी-५ मा शान्ति पुनर्स्थापना गृह सम्पर्क कार्यालय बेलडाँडीको आयोजनामा शुरू गरिएको छ ।
सरोकारवालाहरूले मानव बेचविखन तथा ओसारपसार बढ्दै गएकोमा चिन्ता व्यक्त गर्दै नियन्त्रणका लागि सरकारले गम्भीरताका साथ लिनुपर्ने बताए ।

बेलडाँडी महिला तथा बालबालिका शाखाका प्रमुख शारदा पनेरूका अनुसार बेचविखनमा पहिलेको भन्दा न्यूनीकरण भएको तर निर्मूल पार्न सबैपक्षको हातेमालोको आवश्यकता रहेको अाैल्याए ।

गरिवी र अशिक्षाका कारण पनि मानव बेचविखनको समस्या बढदै गएकोले समस्या समाधानका लागि सरोकारवाला सबैको साथ र सहयोगको आवश्यकता औल्याउदैँ यस विरुद्धको अभियानलाई राष्ट्रिय दिवसकै रुपमा मनाउने गरिएको बेलडाँडी ईलाका प्रहरी कार्यालयका प्रमुख प्रहरी निरीक्षक कृष्ण बहादुर कुवरले स्पष्ट पार्नुभयो ।

यस्तै कार्यक्रमका प्रमुख अतिथि शान्ति नाथले जग सुध्र्यो भने घर सुध्रिने बताउनु भयो । बेचविखन निर्मूल पार्न सबै पक्षको हातेमालो हुन जरूरी रहेको बताए ।

कार्यक्रमका अध्यक्ष तथा वडा नं.५ का अध्यक्ष इन्द्र बहादुर खडकाका अनुसार खुल्ला सिमाका कारण विभिन्न प्रलोभन देखाई यस्ता घटना हुन सक्ने भन्दै सबैले सचेत रहनु पर्नेमा जोड दिनु भयो । न्यूनीकरणका कार्यमा सबै पक्ष जिम्मेवार हुनुपर्नेमा वहाँको जोड रहेको थियो ।

कार्यक्रममा मानव वेचविखन तथा ओसारप्रसार नियन्त्रणमा योगदान पु¥याएका विभिन्न संघ संस्था, प्रहरी, सञ्चारकर्मी, स्थानीय लगायतको बाक्लो उपस्थित रहेको थियो ।
उक्त कार्यक्रमको संचालन शान्ति पुनर्स्थापना गृह सम्पर्क कार्यालय बेलडाँडीकी सहजकर्ता जमुना सिंहले गर्नु भएको थियो ।