बेलडाँडी– बेलडाँडीमा अलस्टार युवा क्लबद्धारा जारी छैठौं बेलडाँडी खुला फुटवल प्रतियोगिता फाइनल खेलको पुर्वसन्ध्यामा बेलडाँडीका कर्मचारीहरु र शिक्षकहरु बीच मैत्रीपूर्ण खेल सम्पन्न भएको छ ।
मैत्रीपूण खेलमा शिक्षकहरुलाई ०-७ गोलले कर्मचारीको टिम बिजयी भएको आयोजक कमिटिले जनाएको छ । “स्वास्थ्यका लागि खेलकुद, राष्ट्रका लागि खेलकुद” भन्ने मुल नाराका साथ छैठौं संस्करण बेलडाँडी खुल्ला फुटबल प्रतियोगिता २०८० शुरु भएको थियो ।
११ जनाको समुहमा खेलिने यो मैत्रीपूर्ण खेल आपसी सम्बन्ध, भाइचारा र मेलमिलापको प्रतीक पनि हो । फुटबल जसले पनि आफ्नो जीवनको पूर्वार्द्धमा खेलेको नै हुन्छ । नखेले पनि बाहिर बसेर हेरेकै हुन्छ । जसले गर्दा हाम्रो मन यो खेलसँग जोडिएको हुन्छ । सानो हुँदा मोजाभित्र प्लास्टिक कोचेर बनाएको बल खुब खेलिन्थ्यो । त्यति बेला न टिम चाहिने न जुत्ता, जर्सी लगाउने त कुरै भएन । खेल्नका लागि घरको आँगन काफी हुन्थ्यो ।
दुईतिर ससाना ढुङा, इँटा राखेर पोल बनाइन्थ्यो अनि मस्तसँग खेलिन्थ्यो । जसले जित्छ उसको उफ्री उफ्री नारा घन्काइन्थ्यो, “किप्पर कस्तो? चुम्बकजस्तो , ब्याक्की कस्तो? खम्बाजस्तो ।” खेल्ने पोजिसन र फर्मेसन को त कुरै छाडौँ किप्परबाहेक सबै फर्वाड र जसले गोल हान्यो उही हिरो हुन्थ्यो । बल्ल बल्ल एउटा रेफ्री राखिन्थ्यो र हारियो भने पनि सबै दोष रेफ्रीमाथि थुपारिन्थ्यो । त्यस बेलाबाट फुटबलमा बसेको क्रेज अहिले चाडबाडका बेला गाँउघरमा हुने खसी कप होस् या ठुलो धनराशी होस् यसले ठूलै फड्को मारेको छ ।
Discussion about this post