बेलडाँडीबाट आन्दोलनमा होमिएका शिक्षकहरु भन्छन् : आन्दोलनबाट फिर्ता भएपछि विदाका दिन समेत पठनपाठन गराउनेछौं

बेलडाँडी, असोज ३ । शिक्षा विधेयको विरोधमा आजदेखि सबै सामूदायिक बिद्यालय बन्द गर्दै काठमाडौं केन्द्रित आन्दोलन थालिएको छ ।

शिक्षकहरूले सरुवा, बढुवा, नियुक्ति, कार्यसम्पादन मूल्यांकन, सेवा सुविधा, नियमनलगायत रेखदेखमा स्थानीय तहको भूमिका अस्वीकार गर्दै आन्दोलनमा होमिएका थिए । संसदमा दर्ता भएको विद्यालय शिक्षासम्बन्धी कानुनलाई संशोधन र एकीकरण गर्न बनेको विधेयकले शिक्षकलाई स्थानीय तहमातहत राख्ने व्यवस्थाप्रति असन्तुष्टि जनाउँदै शिक्षकका पेसागत सुरक्षा, हकहित र सम्मानको माग राख्दै काठमाडौं केन्द्रित आन्दोलनका कारण पठनपाठन ठप्प हुने भएपछि बेलडाँडीका शिक्षकहरुले विदाका दिन समेत पठनपाठन गराउने उनीहरुले बताएका छन् ।

आन्दोलन परिचालन समिति बेलडाँडीका संयोजक तथा नेपाल शिक्षक संघ बेलडाँडी गाउँकार्यसमितिका अध्यक्ष दिल बहादुर सिंहले एक फेसबुक स्टाटस हाल्दै सो कुरा जानकारी गराएका हुन् । उनका अनुसार आफुहरुले विद्यार्थीहरुको भविष्यसंग कुनै खेलबाड नहुन दिन विदाका दिन समेत पठनपाठन गराएर कोर्ष पुरा गराउने जनाएका छन् ।

उनले अभिभावक र विद्यार्थीहरुलाई सम्वोधनहुने गरि यस्तो लेखेका छन् -आदरणीय अभिभावक ज्यू र विद्यार्थी भाइबहिनीहरु हामी आन्दोलनबाट फिर्ता भइसकेपछि विदाका दिनपनि पठनपाठन सुचारु गर्नेछौं भनेर स्टाटस राखेका छन् ।