बेलडाँडी, २४ असोज । राष्ट्रिय प्रजातन्त्र पार्टी (राप्रपा) बेलडाँडीले वडामा कमिटी विस्तार गर्न सुरु गरेको छ । मंगलवार गाउँ कमिटीको आयोजनामा बेलडाँडी गाउँपालिका वडा नम्बर १ कालिकामा लोकेन्द्र शाहको अध्यक्षतामा १२ सदस्यीय वडा कमिटी गठन गरिएको हो ।
जस अनुसार सदस्यमा मनोरथ भट्ट, नरेन्द्र बहादुर सिंह, तेज रोकाया, विर देव भट्ट, कृष्ण बहादुर बम, उत्तम चन्द, जनक शाह, चक्र रोकाया, चन्द्र सिंह कार्की, महाविर भट्ट र धर्मानन्द भट्ट चयन भएका छन् ।
यस्तै ५ सदस्यीय वडा स्तरिय महिला प्रचार प्रसार समिति समेत गठन गरिएको अध्यक्ष लोकेन्द्र शाहले बताउनु भयो । उहाँका अनुसार अध्यक्षमा पार्वती शाह, सदस्य यसोदा बम, पुष्पा रावल, राधिका भट्ट र निशा जोशी चयन भएको जनाए । 
कमिटी विस्तार कार्यक्रममा बोल्दै राप्रपाका नेता प्रेम सिंह साउदले संबैधानिक राजसंस्था सहितको हिन्दु राष्ट्र निर्माणको लागि सम्पूर्ण युवाहरु जुट्नुपर्ने बताए । साथै उनले संघियताले देशमा अराजकता ल्याएको भन्दै यसको विरुद्धमा राष्ट्रिय प्रजातन्त्र पार्टी लगायत आम नेपालीले यो व्यवस्था फाल्नको लागि तयार रहन आग्रह गर्नु भयो ।
Discussion about this post