बेलडाँडी/ १० कार्तिक । बेलडाँडी गाउँपालिका वडा न-०५ झिलमिलामा दोस्रो चतुर्दशी देउडा तथा सम्मान कार्यक्रम हुने भएको छ ।
सुदुरपश्चिमेलीको महान चाड बडा दशैं तथा शुभ-दिपावलीको अवसर पारी लोक परम्परा,सांस्कृति,कला र पहिरनका लागि यही कार्तिक ११ गते भोलि देखि कार्यक्रम सञ्चालन गरिने झिलमिला युवा समाजका सचिव दिपेन्द्र रोकायाले जानकारी गराउनु भयो । केही वर्ष यता देखि उक्त कार्यक्रम हिमसागर युवा क्लबले आयोजना गरि रहेको बताए ।
शनिबार दिउँसो २ बजे देखि कार्यक्रम उद्घाटन गरिने र साझँ ५:३० देखि देउडा कार्यक्रम सञ्चालन गरिने झिलमिला युवा समाजका मुल आयोजक अध्यक्ष श्री अर्जुन उपाध्यायले जानकारी दिनुभयो । बेलडाँडी गाउँपालिका झिलमिलामा रहेको कालिका मन्दिरको मैदानमा देउडा कार्यक्रम सञ्चालन गर्ने गरि आवश्यक तयारी पूरा भएको जनाए ।
सो कार्यक्रममा समाजसेवी,बुद्धिजीवी,राजनीतिज्ञ,देउडा प्रेमी,शिक्षाप्रेमी,आमाबुवा,दाजु-भाइ,दिदीबहिनी सम्पुर्णलाई सहभागी भैदिन आयोजकले आग्रह गरेको छ ।
Discussion about this post