काठमाडौँ । नेपाली बजारमा आज (बुधबार) सुन–चाँदीको भाउ बढेको छ।
नेपाल सुनचाँदी व्यवसायी महासंघका अनुसार बुधबार सुनको मूल्य प्रतितोला १ सय रुपैयाँले बढेर ३ लाख २ हजार ३ सय रुपैयाँ पुगेको छ। मंगलबार सुन प्रतितोला ३ लाख २ हजार २ सय रुपैयाँमा कारोबार भएको थियो।
यस्तै, चाँदीको मूल्य पनि प्रतितोला ४० रुपैयाँले बढेको छ। मंगलबार प्रतितोला ४ हजार ७ सय ७५ रुपैयाँमा कारोबार भएको चाँदी बुधबार ४ हजार ८ सय १५ रुपैयाँमा पुगेको महासंघले जनाएको छ।
अन्तर्राष्ट्रिय बजारमा बुधबार सुन प्रतिऔंस ४ हजार ३ सय ४५ अमेरिकी डलरमा कारोबार भइरहेको छ।
Discussion about this post