भीमदत्त नगरपालिकाद्धारा नयाँ अधिकृत बमलाई स्वागत

कञ्चनपुर । भीमदत्त नगरपालिकाले नयाँ प्रमुख प्रशासकीय अधिकृत महेश कुमार बमलाई आज स्वागत गरेका छन् । दार्चुलाको ब्यास गाउँपालिकाबाट केही दिन अघि बमको भीमदत्त नगरपालिका सरुवा भएको थियो ।

आज शुक्रवार नगरपालिकाले उनलाई स्वागत कार्यक्रम गर्दै प्रशासकीय अधिकृत बमलाई हाजिर गराएका हुन । यस अघि भीमदत्त नगरपालिकामा रहेका याम नारायण गौलीको स्वास्थ्य तथा जनसंख्या मन्त्रालय र बमको भीमदत्तमा सरुवा भएको हो ।

नयाँ प्रमुख प्रशासकीय अधिकृत बम भीमदत्त नगरपालिकाका वासिन्दा हुन् । शुक्रबार भीमदत्तमा हाजिर भएपछि बमले जनप्रतिनिधि र कर्मचारी सबैको साथ सहयोग लिएर नगरपालिकाका कामकाज गर्ने बताए ।