बेलडाँडी देखि सुर्खेतका लागि बससेवा सुचारु

बेलडाँडी । बेलडाँडी गाउँपालिकामा रहेको बसपार्क देखि सुर्खेतका लागि बस सेवा शुरु भएको छ । बेलडाँडी दखि सुर्खेतका लागि हप्ताको ४ पटक सेवा शुरु भएको बेलडाँडी गाउँपालिका प्रमुख हरिशचन्द्र रानाको सचिवालयले जनाएको छ ।

सचिवालयका अनुसार बेलडाँडीबाट सुर्खेत,जाजरकोट, दैलेख, जुम्ला,हुम्ला,कालिकोट लगायत जाने यात्रुहरुलाई सजिलोका लागि सेवा सुचारु गर्ने अनुमति दिइएको जनाइएको छ । पवनदुत अटो मेनेजमेन्ट प्रा.लि.को बस जाने भएको छ । यात्रुहरुको अवस्थालाई हेरि सेवा दैनिक समेत दिन सकिने प्रा.लि.ले जनाएको छ ।

जाने यात्रुले अग्रिक टिकट बुक समेत गर्न सकिने जनाउदै 099520460, 9748244477, 9848726582, 9812705126 नम्वरमा सम्पर्क गर्न अनुरोध गरिएको छ । यस भन्दा पहिला पालिकाको पहलमा काठमाडौंका लागि समेत बस सेवा शुरु भइसकेको छ ।