भाँसु भीरमा भूतप्रेत अर्थात अदृश्य शक्ति देखिएको भन्दै फेसबुकमा भ्रमित पोष्ट भााइरल हुँदै, यस्तो भ्रम नफैलाउन प्रहरीको आग्रह

कञ्चनपुर १६ साउन । यतिबेला सामाजिक सञ्जाल फेसबुकमा एउटा भ्रमपूर्ण पोस्ट निकै भाइरल भैरहेको छ । सुदूरपश्चिमका युवायुवतीले आ-आफ्नो फेसबुकमा कैलालीको भीमदत्त राजमार्गमा पर्ने भाँसु भीरमा भूतप्रेत अर्थात अदृश्य शक्ति देखिएको भन्दै पोस्ट तथा सूचनाहरु सार्वजनिक गरिरहेका छन्।

फोटोसहित राखिएका पोस्टहरु झुटा र भ्रमपूर्ण प्रमाणीत भएका छन्। किनेभने भूत भन्दै सार्वजनिक गरिएका ती तस्वीरहरुसहितको भिडिओ यसभन्दा अगाडि पनि यूट्युबमा राखिएको भेटिएको छ। अहिले केही मान्छेले सोही भिडिओहरुको स्क्रीन सट हालेर फेसबुकमा भ्रम फैलाएको पाइएको छ।

उता प्रहरीले भने भ्रम नछर्न आग्रह गर्दै भूतको कुरा हल्ला भएको जनाएको छ। सो भ्रमपूर्ण पोस्टहरु सुदूरपश्चिम लगायत नेपालमा भन्दा बाहिर बस्ने नेपालीहरूले बढी सार्वजनिक गरिरहेका छन् ।