काठमाडौ, २४ भदौ । बालेन, हर्क र गोपीको सपोर्टमा गायक मकर योञ्जनले “मेरो देश बचाउनुछ” नामक देशभक्ति गीत ल्याएका छ्न । देशको वर्तमान अवस्था प्रती चिन्तित गायक योञ्जनले आफ्नै युटुब च्यानल मकर योञ्जनमा सो गीतको म्युजिक भिडियो गत सनिवार रिलिज गरेका हुन ।
गत स्थानीय निर्वाचनमा स्वतन्त्र रुपमा उम्मेदवार बनी आफ्नो नगरको विकासमा कटिबद्ध काठमाडौका मेयर बालेन (बालेन्द्र शाह),धरानका मेयर हर्क(हर्क साम्पाङ राई) र धनगढीका मेयर गोपी(गोपाल हमाल) लाई गीतमा आदर्श बनाईएको छ ।
गीतमा भनीएको छ :
“भुटेको मकै खाईन्छ,
गुन्द्रुक पनि खाईन्छ,
च्यात्तिएको भोटो पनि लाईन्छ
मेरो देश बनाउनुछ मलाई हजुर
अब थुप्रै बालेन, हर्क र गोपी चाहिन्छ”
गीतको सुरुवातमै देशको गौरवमय इतिहासको चर्चा गरिएको छ । तर भ्रष्टाचारको कारण देश बर्बादी तर्फ गएको बताईएको छ । सोही बर्बादीलाई बचाउन नेपालमा अब थुप्रै बालेन, हर्क र गोपी जस्ता पात्रहरू जन्मनुपर्ने गायक मकरको जिकिर छ ।
सुदुरपश्चिमका एक्ला प्रतिस्पर्धी गायक योन्जन भ्वाइस अफ नेपालको सिजन फाईभमा फर्स्ट रनर अप भएपछि एक्कासि चर्चामा आएका हुन । सुरिला स्वरका धनी तथा गहिरो सांगीतिक ज्ञान उनका विशेषता हुन । पछिल्लो समय उनका अन्तर्वार्ता र प्रष्ट विचारका कारण मिडियामा छाईरहन्छ्न ।
गीतमा मकर योन्जनको शब्द र संगीत मकर योन्जन र अनिस योन्जनको रहेको छ । त्यसैगरी भिडियोमा अभि लामा, मकर योन्जन, अनिता गोले र कुईसाङ्ग रुम्बाको अभिनय रहेको छ ।
भिडियो हेर्नुस्
Discussion about this post