बेलडाँडी, २६ कार्तिक । गत साता जिल्ला सदरमुकाम महेन्द्रनगरमा सम्पन्न भएको वडा स्तरिय फुटबल प्रतियोगिताको उपाधी जितेको बेलडाँडी १ को फुटबल टिमलाई सम्मान गरिएको छ । बेलडाँडी गाँउपालिका १नम्बर वडा कार्यालयले सोमबार एक कार्यक्रमका विच वडा स्तरिय फुटबल प्रतियोगिताको उपाधी जितेको बेलडाँडी १को फुटबल टिमलाई सम्मान गरेको छ ।
बेलडाँडी १का वडाध्यक्ष गज बहादुर विष्टले खेलाडीको उत्साह, हौसला प्रदान र भावि दिनमा फुटबललको बृद्धि विकासका लागि सम्मान गरिएको बताए । खेलाडीलाई दोसल्ला टिका लगाएर सम्मान गरिएको छ ।
गोर्खाज स्र्पोट्स सर्कलले आयोजना गरेको वडा स्तरिय फुटबल प्रतियोगितामा बेलडाँडी १ले बेलडाँडी ४लाई हराएर उपाधी चुमेको थियो । खेलमैदान र प्रशिक्षकको अभावमा समेत बेलडाँडीका खेलडाँडीहरुले जिल्लामै तहल्का मचाएको छ ।
Discussion about this post