कालीकोटको शुभकालिका गाउँपालिका–४ स्थित रारा गाउँमा आज बिहान करेन्ट लागेर एकजनाको मृत्यु भएको छ ।
जिल्ला प्रहरी कार्यालयका प्रमुख, प्रहरी नायब उपरीक्षक टेकबहादुर रावतले बिहान ८ बजे पोलमा चढ्ने क्रममा करेन्ट लागेर २६ वर्षीय वीरेन्द्र चौलागाइँको मृत्यु भएको जानकारी दिएका छन् ।
चौलागाइँ विद्युतसम्बन्धी सामान्य काम गर्दै आएका थिए ।
घटनाको विषयमा मुचुल्का तयार गरेर शव परीक्षणका लागि जिल्ला अस्पताल कालीकोट लागिएको र घटनाबारे थप अनुसन्धान भइरहेको प्रहरीले जनाएको छ ।
Discussion about this post