बेलडाँडी – बेलडाँडी गाउँपालिकामा पछिल्ला केही वर्षदेखि चितुवा आतंक निरन्तर बढ्दै गएको छ । विशेषगरी, बाख्रापालक किसानहरूको लागि यो समस्या ठूलो बनेको छ । चितुवा गोठमा पसेर बाख्रा र अन्य घरपालुवा जनावरलाई आक्रमण गर्ने घटनाहरू बारम्बार देखापरिरहेको छ ।
हिजो राति करीब ११ बजे, गंगा देवी रानाले आफ्नो गोठमा बाधेको गाई कराउने आवाज सुनेर उठेकी थिइन्, तर उनले त्यसमा विशेष ध्यान नदिएपछि चितुवाले बाख्रोलाई नजिकैको गहुँबारीमा लगेर खाएको स्थानीय समाजसेवी पदम खडकाले जानकारी दिएका छन् ।
खडकाले भने, “गंगा देवीले गोठमा आवाज सुनेर उठे, तर उनी त्यो आवाजको कारणको बारेमा सोचिनन् । विहान खोरमा गएर हेर्दा, बाख्रो गायब थियो र थाहा पाउने आधारमा चितुवाले त्यसलाई लगेको थियो ।“
चितुवा आतंकलाई रोक्नका लागि सम्बन्धित पक्षबाट खोर सुधारका कार्यक्रमहरूको घोषणा गरिएको भएपनि, किसानहरूले व्ययभार झेल्नुपरेको अवस्थामा त्यसको प्रभावकारी कार्यान्वयनमा समस्या रहेको छ । स्थानीयहरूले बताएका छन् कि किसानलाई खोर सुधारका लागि आधा लगानी खुदले गर्नु पर्ने अवस्थाले धेरै किसानलाई यो कार्य गर्ने हिम्मत नै नभएको देखिएको छ ।
यस समस्यालाई समाधान गर्नका लागि राज्यले पूर्ण सहुलियतमा व्यवस्थित खोर निर्माणका लागि सहायता दिनु आवश्यक देखिन्छ । अन्यथा, गरीब किसानहरूले अझै पनि चितुवा आतंकको शिकार भइराख्नु पर्ने अवस्था देखिन्छ ।
नेपाल कृषि प्रधान देश भएकोले किसानलाई सही सहुलियत र समर्थन नपाउँदा उनीहरूको जीवनस्तरमा ठूलो असर परेको छ । यसका कारण धेरै किसानहरू बैदेशिक रोजगारको खोजीमा जान बाध्य भएका छन् । यदि सरकारले स्वदेशमा रोजगारका अवसरहरू बढाउँदै कृषि क्षेत्रको विकासमा ध्यान दिन्छ भने बैदेशिक रोजगारमा जानेको संख्या घट्न सक्छ ।
कृषि व्यवसायको उत्थानका लागि सरकारको प्रोत्साहन र सहुलियत निकै महत्त्वपूर्ण छ । बाख्रा पालनको क्षेत्रमा उत्साहित किसानहरू पनि अहिले चितुवाको आतंकबाट डराउँदै बाख्रा पालन गर्न हिचकिचाइरहेका छन् । यस समस्यामा सरकारले गम्भीर र द्रुत कदम चाल्न जरुरी देखिन्छ, ताकि किसानहरूको जीवनस्तरमा सुधार ल्याउन सकिन्छ र चितुवा आतंकलाई नियन्त्रण गर्न सकिन्छ ।
Discussion about this post