कञ्चनपुर,
नेकपा एमाले कञ्चनपुरले शुक्रबार महेन्द्रनगरमा चुनावी सभा राखेको छ । आगामी ४ मंसिरमा हुने प्रदेश तथा प्रतिनिधी सभा सदस्य निर्वाचन लक्षित गरेर पहिलो चुनावी सभा आयोजना गरिएको हो ।
चुनावी सभाको तयारी तिव्र रुपमा भईरहेको एमाले कञ्चनपुरका निर्वाचन परिचालन मुल समितिका संयोजक लक्ष्मी बुढाले बताईन ।
संयोजक बुढाले मञ्च व्यवस्थापनदेखि सहभागि सबै विषयमा तयारी भईरहेको बताईन । नेकपा एमाले कञ्चनपुरका अध्यक्ष एव निर्वाचन क्षेत्र ३(ख)का उम्मेदवार सुरेन्द्र विष्टले दार्चुलादेखि ऐतिहासिक रुपमा चुनावी सभाको उद्घाटन गरिने बताए ।
‘पाटी अध्यक्ष ज्यूले कुतियाकबरदेखि परासनसम्म जिल्ला समेट्ने गरी सम्बोधन गर्छन, ‘एमाले कञ्चनपुरका अध्यक्ष विष्टले भने, ‘जनताको समेत उल्लासमय तरिकाले सहभागिता हुन्छ ।’ एमाले कञ्चनपुरका नेता ईश्वरी प्रशाद खरेलले सबै क्षेत्र समेटने गरी जिल्ला सदरमुकाम महेन्द्रनगरमा कार्यक्रम राखिएको बताए ।
‘यो चुनावी सभा जिल्लाभरीका सबै निर्वाचन क्षेत्र समेट्ने गरी आयोजना गरिएको हो, ‘उनले भने, ‘३० हजारको सहभागिता हुनेछ ।’ पार्टी अध्यक्ष तथा पुर्व प्रधानमन्त्री ओली कञ्चनपुर आउने कार्यक्रम बारे जनाकारी गराउनका लागि आयोजित पत्रकार सम्मेलनको प्रेस चौतारी कञ्चनपुरका सचिव मदन गिरीको अध्यक्षताका भएको कार्यक्रम संचालन एमाले निकट पत्रकार विष्णूदत्त अवस्थीले संचालन गरेका थिए ।
Discussion about this post