धनगढी । कैलालीको गोदावरी नगरपालिकास्थित तेघरीमा सवारी ठक्करबाट एक वृद्धाको मृत्यु भएको छ ।
सुदूरपश्चिम प्रदेश ट्राफिक प्रहरी कार्यालय अत्तरियाका अनुसार दिपायलबाट धनगढीतर्फ आउँदै गरेको ना ५ ख ५२५ नम्बरको यात्रु बसले बुधबार बिहान नेपाली सेनाको ब्यारेक गेट नजिकै सडक पार गर्दै गरेकी करिब ८० वर्षीया वृद्धालाई ठक्कर दिएको हो ।
गम्भीर घाइते भएकी वृद्धालाई उपचारका लागि अस्पताल लैजाने क्रममा बाटैमा मृत्यु भएको प्रहरीले जनाएको छ । मृतक वृद्धाको परिचय भने अहिलेसम्म खुल्न सकेको छैन ।
बस र चालकलाई नियन्त्रणमा लिएर प्रहरीले आवश्यक अनुसन्धान अघि बढाएको जनाएको छ ।
Discussion about this post