कञ्चनपुर क्षेत्र नं.१ प्रतिनिधी सभा सदस्यमा एमालेका तामाङको प्रतिद्वन्दी पुर्व खानेपानी मन्त्री मगरको भन्दा दोब्बर बढीको अग्रता

बेलौरी,
कञ्चनपुर क्षेत्र नं.१ प्रतिनिधी सभा सदस्यका लागि एमालेका तारालामा तामाङले आफ्ना प्रतिद्वन्दी पुर्व खानेपानी मन्त्री विना मगरलाई दोब्बर भन्दा बढी मतले अग्रता कायमै राखेको छ ।

१ हजारमत गणना हुदा नेकपा एमालेका उम्मेदवार तारालामा तामाङले ५९७ मत प्राप्त गरेका छन भने गठवन्धका साझा उम्मदेवार तथा नेकपा माओवादी केन्द्रकी विना मगरले २३६ मत प्राप्त गरेका छन् ।

आइतवार सम्मपन्न प्रदेश तथा प्रतिनिधीसभा सदस्यको मतगणना आज सोमवार ४ बजेबाट शुरु भएको थियो । कञ्चनपुर क्षेत्र नं.१ मा ९९ हजार १ सय १० मतदाता रहेकोमा ६४ हजार २ सय ३९ मत खसेका थिए ।

प्रतिनिधी सभा सदस्य र प्रदेश सभा क को मत गणना पुनर्वास नगरपालिका वडा नं.१ बाट शुरु भएको छ । प्रदेश सभा ख को मतगणना बेलडाँडी गाउँपालिका वडा नं.१ बाट शुरु गरिएको छ ।