कञ्चनपुर,
अाज देखि सुदूरपश्चिमको अध्ययन सम्बन्धी तिन दिने अन्तराष्ट्रिय सम्मेलन सुरु हुदैछ ।
सुदूरपश्चिम विश्वविद्यालयको आयोजना तथा अक्सफोर्ड विश्वविद्यालय र ब्रिटेन नेपाल एकेडेमिक काउन्सिलको प्राविधिक सहयोगमा सुदूरपश्चिमको अध्ययन विषयक अन्तराष्ट्रिय सम्मेलन हुन लागेको हो ।
सुदूरपश्चिम विश्विद्यालयले विबिध पक्षहरुमा ज्ञानको उत्सर्जन गर्ने उद्देश्य राख्दै उक्त सम्मेलनको आयोजना गरेको पत्रकार सम्मेलमार्फत जानकारी गराउनु भयो ।
सम्मेलनले सुदूरपश्चिमको वास्तविकता बारे विबिध पक्षको ज्ञान बाहिर ल्याउन सहयोग पुग्ने, नयाँ सोधकर्ताहरुलाई अध्ययनका लागि सहयोग मिल्नुका साथै सरकारलाई विभिन्न निति बनाउनका लागि उपयोगि हुने विश्वविललयका उपकुलपति प्राडा अम्मराज जोशीले बताए ।
सुदूरपश्चिमको साहित्य, कला, कृषि, समाज, ईन्जिनियरिङ्ग, मेडिकल, शिक्षा, वातावरण, सोसल साईन्स, ईतिहासगायतका विषयमा एक वटा सोधपत्र प्रस्तुत हुने उपकुलपति प्राडा जोशीले बताए ।
सम्मेलन आयोजक समितिका उपसभापति डा. कृष्ण अधिकारीले अन्तर्राष्ट्रिय प्राज्ञिक सम्मेलनको आफ्नै खाका हुने भएकोले यसलाई बहुबिधाको सम्मेलनका रूपमा हेरिएको बताए । उनले सम्मेलनमा दुईप्रकारका गरी ४ सय १६ जना सहभागिले प्रत्यक्ष र भर्चुअल माध्यमबाट सहभागिता जनाउने बताए ।
१९० जना भौतिकरुपमै सहभागि हुदैछन भने बाकी भर्चुअल माध्यमबाट सहभागि हुनेछन् । सम्मेलनमा स्वीजरल्याण्ड, जर्मन, जापान, भारत, चिनलगायतका नौ देशबाट सोधकर्ताहरु सम्मेलनमा सहभागि हुने विश्वविद्यालयले जनाएको छ ।
सम्मेलनमा सम्मेलन आयोजक समितिका सदस्य उप प्रा दिपकचन्द्र भट्टले सम्मेलनमा प्रस्तुत हुने अध्ययन प्रतिवेदन एक वर्ष अघि देखि नै अध्ययन गरी तयार गरिएको बताए । ‘एक वर्ष अघि देखि नै विभिन्न विषयमा अध्ययन गरी रिसर्च पेपर तयार गरिएका छन्’ उनले भने, ‘ती प्रस्तुत भएर छलफल हुन्छ ।’
सुुदूरपश्चिम विश्वविद्यालयको इतिहासमै पहिलो पटक अन्तर्राष्ट्रिय सम्मेलन आयोजना हुन गइरहेकोले यसले विभिन्न विधाको विकासलाई अध्ययन, अनुसन्धान गर्न मद्दत गर्ने विश्वास लिइएको छ ।
सुदूरपश्चिमाञ्चल विश्वविद्यालयले स्थापना भएपछि पहिलो पटक सुदूरपश्चिम स्टडिज : हेरिटेज , इन्नोभेसन एण्ड ट्रान्सफोरमेन सम्बन्धी अन्तर्राष्ट्रिय सम्मेलन गर्न लागेको हो । यस अघि सम्मेलन गर्ने तयारी गरिए पनि कोभिड महामारीका काराण रोकिएको थियो । सुदूरपश्चिम विश्वविद्यालयले आफ्नो प्राज्ञिक विधालाई विस्तार गरिरहेको छ । यसले विश्वविद्यालयको महत्त्व र ओजलाई अझै बढाउने देखिन्छ ।
सम्मेलनमा १५ लाख देखि २० खर्च लाग्ने अनुमान गरिएको रजिष्टार प्रा. यज्ञराज पाठकले बताए । उनले सम्मेलन आयोजना गर्नको लागि विश्वविद्यालय अनुदान आयोग, पर्यटन बोर्ड, कञ्चनपुरमा रहेका विभिन्न बैंक र नगरपालिकाहरुले सहयोग गर्ने उनले बताए ।
पत्रकार सम्मेलनमा अक्सफोर्डका प्रोफेसर डेबिट एन गेलर र ब्रिटेन नेपाल एकेडेमी काउन्सिलका डा. कृष्ण अधिकारी विश्वविद्यालयका उप कुलपति प्रा.डा. जोशी सहित रजिष्ट्रार यज्ञराज पाठक, सम्मेलन आयोजक समितिका संयोजक इन्जिनियरिङ्ग संकायमा डीन डा. किसन भट्ट, समितिका सदस्य उप प्राध्यापक दिपकचन्द्र भट्ट लगायतकाहरूको सहभागिता रहेको थियो ।
Discussion about this post