कञ्चनपुर,
कञ्चनपुरको दोधाराचाँदनी प्राथमिक स्वाथ्य केन्द्रका सेवा स्तरिय बन्दै गएको एक अध्ययनले देखाएको छ ।
स्वास्थ्य क्षेत्रमा कार्यरत संस्था निक साईमनले गरेको न्यूनतम आधारभूत स्तरिय सेवा बारे मापनमा दोधाराचाँदनी प्राथमिक स्वाथ्य केन्द्रका सेवा स्तरिय बन्दै गएको जनाएको छ ।
दोधारा प्राथमिक स्वास्थ्य केन्द्र व्यवस्थापन समितिका अध्यक्ष समेत रहेका दोधाराचाँदनी नगरपालिका ६ का वडाध्यक्ष ओम बस्नेतले निक साईमनले दोधाराप्राथमिक केन्द्रमा मास मिनिमम स्ट्याण्ड स्कोर मापन गर्दा स्वास्थ्य केन्द्रमा थुप्रै प्रगति भएकाले बताए ।
प्राथमिक स्वास्थ्य केन्द्रमा सुधार भएपछि स्थानीय जनताले समेत स्तरिय स्वास्थ्य सेवा पाएको अध्यक्ष बस्नेतको भनाई छ । अध्यक्ष बस्नेतले थप स्तरिय सेवा सुविधाका लागि आफ्नो ठाँउबाट सक्दो प्रयास गर्ने बताएका छन ।
दोधारा प्राथमिक स्वास्थ्य केन्द्रको सेवा सुविधा विषयमा मगलबार सरोकारवालासंग छलफल गरिएको बताए । विद्यार्थी अवस्थादेखि नै अध्यक्ष बस्नेतले कञ्चनपुरको स्वाथ्य र शिक्षा क्षेत्रको बृद्धि विकासका लागि भूमिका निर्वाह गर्दै आएका थिए । अध्यक्ष बस्नेतले जिल्ला, नगरका स्वास्थ्य संस्था एव अस्पताल सुधारका लागि सरोकारवाला एकमत हुनुपर्नेमा जोडदिएका छन ।
कार्यक्तममा दोधाराचाँदनी नगरका निर्वतमान प्रमुख बीर बहादुर सुनार निक साईमन सहितका संघ सस्थालाई सम्मान गरिएको छ । वडाध्यक्ष ओम बस्नेतको अध्यक्षतमा भएको कार्यक्रमको प्रमुख अतिथिमा प्रदेश सभा सदस्य बेल बहादुर राना प्रमुख अतिथि रहेका थिए । बिशिष्ठ अतिथिमा दोधाराचाँदनीका मेयर किशोर लिम्बु सहितका जनप्रतिनिधी, स्वास्थ्यकर्मी चिकित्सकको सहभागिता रहेको थियो ।
Discussion about this post