कञ्चनपुर,
तेक्वान्दोका खेलाडी हेम बहादुर बस्नेतले ‘सिक्सडन ग्राण्ड’ माष्टर बेल्ट पाएका छन ।कञ्चनपुर महेन्द्रनगरमा बस्नेतले ‘सिक्सडन ग्राण्ड’ माष्टर बेल्ट पाएका हुन ।
फाईभ डन बस्नेतलाई हालै काठमाण्डौँमा नेपाल तेक्वान्दो संघले गरेको गेटिङ्गमा ‘सिक्सडन ग्राण्ड’ माष्टर बेल्ट दिएको हो । लामो समयदेखि तेक्वान्दोका खेलाडी समेत रहेका बस्नेतले ‘सिक्सडन ग्राण्ड’ माष्टर बेल्ट पाएसंगै महाकाली अञ्चलकै सिनियर खेलाडीभित्र पर्छन ।
नेपाल तेक्वान्दो संघका उपाध्यक्ष भान ब. चन्द, महासचिव दिपराज गुरुङ्गले बस्नेतलाई प्रमाण पत्र हस्तान्तरण गरेका थिए ।
भीमदत्त नगरपालिका १८ का वडा सदस्य समेत रहेका तेक्वान्दोका प्रशिक्षक बस्नेत खेलक्षेत्रमा उकालोमा छन । उनलाई भीमदत्त नगरका मेयर पदम बोगटी सहितका जनप्रतिनिधी, खेलाडीले समेत बधाई तथा स्वागत गरेका छन । उनले आफ्नै निजी जिमहाउस तेक्वान्दो दोजान खोलेका छन ।
फ्लोरिया, ग्लोबल,नवप्रतिभा, सार्क सहितका विद्यालयमा प्रशिक्षण गराईरहेका छन । तेक्वान्दो संघ भीमदत्त नगर अध्यक्ष, जिल्ला उपाध्यक्ष र प्रदेशको सदस्य समेत रहेका बस्नेतले खेल क्षेत्रको विकासका लागि काम गर्दै आएका छन । तेक्वान्दो संघ कञ्चनपुरको प्रशिक्षण हल निर्माण उपभोक्ता समितिको अध्यक्ष भएर समेत बस्नेतले काम गरेका थिए ।
Discussion about this post